Pramāṇa · Search · About · API

Samavedabrahmananyashtau 288

Sāmavedabrāhmaṇānyaṣṭau 288

Language
Sanskrit

288.1

caturthaḥ prapāṭhakaḥ
prathamaḥ khaṇḍaḥ
samastasya khalu sāmna upāsanaḥsādhu yatkhalu sādhu
tatsāmetyācakṣate yadasādhu tadasāmeti

288.2

tadutāpyāhuḥ
sāmnainamupāgāditi sādhunainamupāgādityeva tadāhurasāmnainamupāgādityasādhunainamupāgādityeva tadāhuḥ

288.3

athotāpyāhuḥ sāma no bateti
yatsādhu bhavati sādhu batetyeva tadāhurasāma no bateti yadasādhu
bhavatyasādhu batetyeva tadāhuḥ

288.4

sa ya etadevaṃ vidvānsādhu
sāmetyupāste'bhyāśo ha yadenaḥsādhavo dharmā ā ca gaccheyurupa ca
nameyuḥ

288.1-2

dvitīyaḥ khaṇḍaḥ
lokeṣu pañcavidhaḥsāmopāsīta pṛthivī hiṅkāraḥ| agniḥ
prastāvo'ntarikṣamudgītha ādityaḥ pratihāro dyaurnidhanamityūrdhveṣu

288.2-2

athāvṛtteṣu dyaurhiṅkāra ādityaḥ prastāvo'ntarikṣamudgītho'gniḥ
pratihāraḥ pṛthivī nidhanam

288.3-2

kalpante hāsmai lokā
ūrdhvāścāvṛttāśca ya etadevaṃ vidvām̐llokeṣu pañcavidhaṃ
sāmopāste

288.1-3

tṛtīyaḥ khaṇḍaḥ
vṛṣṭau pañcavidhaḥsāmopāsīta purāvāto hiṅkāro megho jāyate sa
prastāvo varṣati sa udgītho vidyotate stanayati sa pratihāraḥ

288.2-3

udgṛhṇāti tannidhanaṃ varṣati hāsmai varṣayati ha ya etadevaṃ vidvānvṛṣṭau
pañcavidhaḥsāmopāste

288.1-4

caturthaḥ khaṇḍaḥ
sarvāsvapsu pañcavidhaḥsāmopāsīta megho yatsaṃplavate sa hiṅkāro yadvarṣati sa prastāvo yāḥ prācyaḥ syandante sa udgītho yāḥ pratīcyaḥ sa pratihāraḥ samudro nidhanam

288.2-4

na hāpsu praityapsumānbhavati ya etadevaṃ vidvānsarvāsvapsu pañcavidhaḥsāmopāste

288.1-5

pañcamaḥ khaṇḍaḥ
ṛtuṣu pañcavidhaḥsāmopāsīta vasanto hiṅkāro grīṣmaḥ prastāvo varṣā udgīthaḥ śaratpratihāro hemanto nidhanam

288.2-5

kalpante hāsmā ṛtava ṛtumānbhavati ya etadevaṃ vidvānṛtuṣu pañcavidhaḥsāmopāste

288.1-6

ṣaṣṭhaḥ khaṇḍaḥ
paśuṣu pañcavidhaḥsāmopasītājā hiṅkāro'vayaḥ prastāvo gāva udgītho'śvāḥ pratihāraḥ puruṣo nidhanam

288.2-6

bhavanti hāsya paśavaḥ paśumānbhavati ya etadevaṃ vidvānpaśuṣu pañcavidhaḥsāmopāste

288.1-7

saptamaḥ khaṇḍaḥ
prāṇeṣu pañcavidhaṃ parovarīyaḥ sāmopāsīta prāṇo hiṅkāro vākprastāvaścakṣurudgīthaḥ śrotraṃ pratihāro mano nidhanaṃ parovarīyāḥsi vā etāni

288.2-7

parovarīyo hāsya bhavati parovarīyaso ha lokāñjayati ya etadevaṃ vidvān prāṇeṣu pañcavidhaṃ parovarīyaḥ sāmopāsta iti tu pañcavidhasya

288.1-8

aṣṭamaḥ khaṇḍaḥ
atha saptavidhasya vāci saptavidhaḥsāmopāsīta yatkiṃ ca vāco humiti sa hiṅkāro yatpreti sa prastāvo yadeti sa ādiḥ

288.2-8

yaduditi sa udgītho yatpratīti sa pratihāro yadupeti sa upadravo
yannīti tannidhanam

288.3-3

dugdhe'smai vāgdohaṃ yo vāco
doho'nnavānannādo bhavati ya etadevaṃ vidvānvāci saptavidhaḥsāmopāste

288.1-9

navamaḥ khaṇḍaḥ
atha khalvamumādityaḥ saptavidhaḥ sāmopāsīta sarvadā samastena
sāma māṃ prati māṃ pratīti sarveṇa samastena sāma

288.2-9

tasminnimāni
sarvāṇi bhūtānyanvāyattānīti vidyāttasya yatpurodayātsa
hiṅkārastadasya paśavo'nvāyattāstasmātte hiṃ kurvanti hiṅkārabhājino
hotasya sāmnaḥ

288.3-4

atha yatprathamodite sa prastāvastadasya manuṣyā
anvāyattāstasmātte prastutikāmāḥ praśaṃsākāmāḥ prastāvabhājino
hotasya sāmnaḥ

288.4-2

atha yatsaṅgavavelāyāṃsa ādistadasya vayāṃḥsyanvāyattāni tasmāttānyantarikṣe'nārambaṇānyādāyātmānaṃ
paripatantyādi bhājīni hotasya sāmnaḥ

288.5

atha yatsamprati
madhyandine sa udgīthastadasya devā anvāyattāstasmātte sattamāḥ
prājāpatyānāmudgīthabhājino hotasya sāmnaḥ

288.6

atha yadūrdhvaṃ
madhyandinātprāgaparāhṇātsa pratihārastadasya garbhā anvāyattāstasmātte
pratihatā nāvapadyante pratihārabhājino hotasya sāmnaḥ

288.7

atha
yadūrdhvamaparāhṇātprāgastamayātsa upadravastadasyāraṇyā anvāyattāstasmātte puruṣaṃ dṛṣṭvā kakṣaḥśvabhramityupadravantyupadravabhājino hotasya
sāmnaḥ

288.8

atha yatprathamāstamite tannidhanaṃ tadasya
pitaro'nvāyattāstasmāttānnidadhati nidhanabhājino hotasya sāmna evaṃ
khalvamumādityaḥ saptavidhaḥ sāmopāste

Linked texts (13)