Samavedabrahmananyashtau 29
Sāmavedabrāhmaṇānyaṣṭau 29
- Language
- Sanskrit
29.1
tṛtīyaḥ khaṇḍaḥ
ilāndamagniṣṭoma sāma kāryyam
29.2
etadvai sākṣādannaṃ yadilāndamirānnaṃ vā etadirāyāmevānnādye'ntata: pratitiṣṭhanti
29.3
samudro vā etacchandaḥ salilaṃ lomaśaḥsamudraiva khalu vai sa bhavati salila iva lomaśa iva yo bhavati
29.4
tasmādetāsu kāryya samṛddhyai
29.5
vratamiti nidhanaṃ bhavati mahāvratasyaiva tadrūpaṃ kriyate svariti bhavati svargasya lokasya samaṣṭyai śakuna iti bhavati śakuna iva vai yajamāno vayo bhūtvā svargaḥllokameti
29.6
yajñāyajñīyamagniṣṭomasāma kāryyam
29.7
yadvā anyā vāṅnāti
vadettadagniṣṭoma sāma kāryantra vai vāgvācamiti vadati vāgyajñāyajñīyaṃ
vācyevāntata: pratitiṣṭhanti
29.8
vāravantīyamagniṣṭomasāma
kāryam
29.9
agnirvā idaṃ vaiśvānaro dahannaittasmādevā avibhayustaṃ
varaṇaśākhayā'vārayanta yadavārayanta tasmādvāravantīyam
29.10
tasmādvaraṇobhiṣajya etena hi devā ātmānamatrāyanta
29.11
tasmādbrāhmaṇo vāraṇena na pibed vaiśvānarannecchamayā iti
29.12
paśavo vai vāravantīyaḥśānti: paśava: śāntādeva tatsaṃvatsarāduttiṣṭhanti