Pramāṇa · Search · About · API

Samavedabrahmananyashtau 290

Sāmavedabrāhmaṇānyaṣṭau 290

Language
Sanskrit

290.1

ekādaśa: khaṇḍa:
mano hiṅkāro vākprastāvaścakṣurudgīthaḥ śrotraṃ pratihāraḥ prāṇo
nidhanametadvāyatraṃ prāṇeṣu protam

290.2

sa ya evametadvāyatraṃ prāṇeṣu protaṃ
veda prāṇī bhavati sarvamāyureti jyogjīvati mahānprajayā
paśubhirbhavati mahānkīrtyā mahāmanāḥ syāttadvratam

290.1-2

dvādaśa: khaṇḍa:
abhimanthati sa hiṅkāro dhūmo jāyate sa prastāvo jvalati sa
udgītho'ṅgārā bhavanti sa pratihāra upaśāmyati tannidhanaḥsaṃśāmyati
tannidhanametadrathantaramagnau protam

290.2-2

sa ya evametadrathantaramagnau protaṃ
veda brahmavarcasyannādo bhavati sarvamāyureti jyogjīvati mahānprajayā
paśubhirbhavati mahānkīrtyā na pratyaṅṅagnimācāmenna
niṣṭhīvettadvratam

290.1-3

trayodaśa: khaṇḍa:
upamantrayate sa hiṅkāro jñapayate sa prastāvaḥ striyā saha śete sa
udgīthaḥ prati strīṃ saha śete sa pratihāraḥ kālaṃ gacchati tannidhanaṃ pāraṃ
gacchati tannidhanametadvāmadevyaṃ mithune protam

290.2-3

sa ya
evametadvāmadevyaṃ mithune protaṃ veda mithunī bhavati
mithunānmithunātprajāyate sarvamāyureti jyogjīvati mahānprajayā
paśubhirbhavati mahānkīrtyā na kāñcana pariharettadvratam

290.1-4

caturdaśaḥ khaṇḍaḥ
udyannihiṅkāra uditaḥ prastāvo madhyandina udgītho'parāhṇaḥ
pratihāro'staṃ yannidhanametadbṛhadāditye protam

290.2-4

sa ya
evametadbṛhadāditye protaṃ veda tejasvyannādo bhavati sarvamāyureti
jyogjīvati mahānprajayā paśubhirbhavati mahānkīrtyā tapantaṃ na
nindettadvratam

290.1-5

pañcadaśaḥ khaṇḍaḥ
abhrāṇi saṃplavante sa hiṅkāro megho jāyate sa prastāvo varṣati
sa udgītho vidyotate stanayati sa pratihāra udgṛhṇāti
tannidhanametadvairūpaṃ parjanye protam

290.2-5

sa ya evametadvairūpaṃ parjanye protaṃ
veda virūpāśca surūpāśca paśūnavarundhe sarvamāyureti jyogjīvati
mahān prajayā paśubhirbhavati mahānkīrtyā varṣantaṃ na
nindettadvratam

290.1-6

ṣoḍaśaḥ khaṇḍaḥ
vasanto hiṅkāro grīṣmaḥ prastāvo varṣā udgīthaḥ śaratpratihāro
hemanto nidhanametadvairājamṛtuṣu protam

290.2-6

sa ya evametadvairājamṛtuṣu
protaṃ veda virājati prajayā paśubhirbrahmavarcasena sarvamāyureti
jyogjīvati mahānprajayā paśubhirbhavati mahānkīrtyaitūtna
nindettadvratam

290.1-7

saptadaśaḥ khaṇḍaḥ
pṛthivī hiṅkāro'ntarikṣaṃ prastāvo dyaurudgītho diśaḥ pratihāraḥ
samudro nidhanametāḥ śakvaryo lokeṣu protāḥ

290.2-7

sa ya evametāḥ
śakvayo lokeṣu protā veda lokī bhavati sarvamāyureti jyogjīvati
mahānprajñayā paśubhirbhavati mahānkīrtyā lokānna nindettadvratam

290.1-8

aṣṭādaśaḥ khaṇḍaḥ
ajā hiṅkāro'vayaḥ prastāvo gāva udgītho'śvāḥ pratihāraḥ
puruṣo nidhanametā revatyaḥ paśuṣu protāḥ

290.2-8

sa ya evametā revatyaḥ
paśuṣu protā veda paśumān bhavati sarvamāyureti jyogjīvati
mahānprajayā paśubhirbhavati mahānkīrtyā paśūnna nindettadvratam

290.1-9

ekonaviṃśaḥ khaṇḍaḥ
loma hiṅkārastvakprastāvo māḥ samudgītho'sthi pratihāro majjā
nidhanametadyajñāyajñīyamaṅgeṣu protam

290.2-9

sa ya evametadyajñāyajñīyamaṅgeṣu protaṃ vedāṅgī bhavati nāṅgena vihūrchīsi sarvamāyureti
jyogjīvati mahānprajayā paśubhirbhavati mahānkīrtyā saṃvatsaraṃ majjo
nāśnīyāttadvrataṃ majjo nāśnīyāditi vā

290.1-10

viṃśaḥ khaṇḍaḥ
agnirhiṅkāro vāyuḥ prastāva āditya udgītho nakṣatrāṇi
pratihāraścandramā nidhanametadrājanaṃ devatāsu protam

290.2-10

sa ya
evametadrājanaṃ devatāsu protaṃ vedaitāsāmeva devatānāṃsalokatāḥ
sārṣṭitāḥsāyujyaṃ gacchati sarvamāyureti jyogjīvati mahānprajayā
paśubhirbhavati mahānkīrtyā brāhmaṇānna nindettadvratam

290.1-11

ekaviṃśaḥ khaṇḍaḥ
trayī vidyā hiṅkārastraya ime lokāḥ sa
prastāvo'gnirvāyurādityaḥ sa udgītho nakṣatrāṇi vayām̐si marīcayaḥ sa
pratihāraḥ sarpā gandharvāḥ pitarastannidhanametatsāma
sarvasminprotam

290.2-11

sa ya evametatsāma sarvasminprotaṃ veda sarvaṃha
bhavati

290.3

tadeṣa śloko yāni pañcadhā trīṇi trīṇi tebhyo na
jyāyaḥ paramanyadasti

290.4

yastadveda sa veda sarvaḥsarvā diśo
balimasmai haranti sarvamasmītyupāsīta tadvrataṃ tadvratam

290.1-12

drāviṃśaḥ khaṇḍaḥ
vinardi sāmno vṛṇe paśavyamityagnerudgītho'niruktaḥ
prajāpaterniruktaḥ somasya mṛdu ślakṣṇaṃ vāyoḥ ślakṣṇaṃ balavadindrasya
krauñcaṃ bṛhaspaterapadhvāntaṃ varuṇasya tānsarvānevopaseveta vāruṇaṃ tveva
varjayet

290.2-12

amṛtatvaṃ devebhya āgāyānītyāgāyetsvadhāṃ pitṛbhya
āśāṃ manuṣyebhyastṛṇodakaṃ paśubhyaḥ svargaṃ lokaṃ
yajamānāyānnamātmana āgāyanītyetāni manasā dhyāyannapramattaḥ
stuvīta

290.3-2

sarve svarā indrasyātmanaḥ sarva ūṣmāṇaḥ
prajāpaterātmānaḥ sarve sparśā mṛtyorātmānastaṃ yadi
svareṣūpālabhetendraḥ śaraṇaṃ prapanno'bhūvaṃ sa tvā prati vakṣyatītyenaṃ
brūyāt

290.4-2

atha yadyenamūṣmasūpālabheta prajāpatiḥ śaraṇaṃ prapanno'bhūvaṃ
sa tvā prati pekṣyatītyenaṃ brūyādatha yadyenaḥ sparśeṣūpālabheta
mṛtyuḥ śaraṇaṃ prapanno'bhūvaṃ sa tvā prati dhakṣyatītyenaṃ brūyāt

290.5

sarve
svarā ghoṣavanto balavanto vaktavyā indre balaṃ dadānīti sarve
ūṣmāṇo'grastā anirastā vivṛtā vaktavyāḥ prajāpaterātmānaṃ
paridadānīti sarve sparśā leśenānabhinihitā vaktavyā mṛtyorātmānaṃ
pariharāṇīti

Linked texts (13)