Samavedabrahmananyashtau 291
Sāmavedabrāhmaṇānyaṣṭau 291
- Language
- Sanskrit
291.1
trayoviṃśaḥ khaṇḍaḥ
trayo dharmaskandhā yajño'dhyayanaṃ dānamiti prathamastapa eva
dvitīyo brahmacāryācāryakulavāsī tṛtīyo'tyantamātmānamācāryakule'vasādayansarva ete puṇyalokā bhavanti brahmasaṃstho'mṛtatvameti
291.2
prajāpatirlokānabhyatapattebhyo'bhitaptebhyastrayī vidyā saṃprāsravattāmabhyatapattasyā abhitaptāyā
etānyakṣarāṇi saṃprāsravanta bhūrbhuvaḥ svariti
291.3
tānyabhyatapattebhyo'bhitapebhya oṃkāraḥ saṃprāsravattadyathā śaṅkunā sarvāṇi
parṇāni saṃtṛṇṇānyevamoṃkāreṇa sarvā vāksaṃtṛṇṇoṅkāra
evedaḥsarvamoṅkāra evedaḥsarvam
291.1-2
caturviśaḥ khaṇḍaḥ
brahmavādino vadanti yadvasūnāṃ prātaḥ savanaḥrudrāṇāṃ
mādhyandinaḥsavanamādityānāṃ ca viśveṣāṃ ca devānāṃ tṛtīyasavanam
291.2-2
kva tarhi yajamānasya loka iti sa yastaṃ na vidyātkathaṃ
kuryādatha vidvānkuryāt
291.3-2
purā prātaranuvākasyopākaraṇājjaghanena
gārhapatyasyodaṅmukha upaviśya sa vāsavaḥsāmābhigāyati
291.4
lokadvāramapāvārṇū 2 paśyematvāvayaḥrā'1212 him ā'2
jāyo ā' 345 iti
291.5
atha juhoti namo'gnaye pṛthivīkṣite
lokakṣite lokaṃ me yajamānāya vindaiṣa vai yajamānasya loka
etāsmi
291.6
atra yajamānaḥ parastādāyuṣaḥ svāhāpajahi
parighamityuktvottiṣṭhati tasmai| vasavaḥ prātaḥ savana:samprayacchanti
291.7
purā mādhyandinasya savanasyopākaraṇājjaghanenāgnīdhrīyasyodaṅmukha upaviśya sa raudraḥ sāmābhigāyati
291.8
lokadvāramapāvārṇū 2paśyematvāvayaḥvairā'1212him ā' 2jāyo ā' 345 iti
291.9
atha juhoti namo vāyave'ntarikṣakṣite
lokakṣite lokaṃ me yajamānāya vindaiṣa vai yajamānasya loka
etāsmi
291.10
atra yajamānaḥ parastādāyuṣaḥ svāhāpajahi
parighamityuktvottiṣṭhati tasmai rudrā mādhyandinaḥsavanaḥ
saṃprayacchanti
291.11
purā tṛtīyasavanasyopākaraṇājjaghanenāhavanīyasyodaṅmukha upaviśya sa ādityaḥsa vaiśvadevaḥsāmābhigāyati
291.12
lokadvāramapāvārṇū 2paśyematvāvayaḥsvārā'
11212| him ā' 2| jāyo| ā' 345| iti
291.13
ātyimatha
vaiśvadevaṃ lokadvāramapāvārṇū 2| paśyematvā vayaḥsāṃprā'112
him ā' 2| jāyo| ā' 345| iti
291.14
atha juhoti nama
ādityebhyaśca viśvebhyaśca devebhyo divikṣidbhyo lokakṣidbhyo lokaṃ
me yajamānāya vindata
291.15
eṣa vai yajamānasya loka etāsyatra
yajamānaḥ parastādāyuṣaḥ svāhāpahata paridhamityuktvottiṣṭhati
291.16
tasmā ādityāśca viśve ca devāstṛtīyasavanaḥsamprayacchantyeṣa ha vai yajñasya mātrāṃ veda ya evaṃ veda ya evaṃ
veda
Linked texts (13)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Īśādidvādaśopaniṣadaḥ — Sanskrit
- Upaniṣads — Sanskrit
- Aṣṭottaraśatopaniṣadaḥ — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Chāndogyopaniṣatkhaṇḍārtha — Sanskrit
- Different Upaniṣads — Sanskrit
- Vedāntasamanvaya — Gurugovinda Rāya, Sanskrit
- Aṣṭāviṃśatyupaniṣad — Sanskrit
- Chāndogyadīpikā — Sanskrit
- Chāndogyopaniṣad C — Rāmānuja Yatirāj, Sanskrit