Samavedabrahmananyashtau 292
Sāmavedabrāhmaṇānyaṣṭau 292
- Language
- Sanskrit
292.1
pañcamaḥ prapāṭhakaḥ
prathamaḥ khaṇḍaḥ
asau vā ādityo devamadhu tasya dyaureva tiraścīnava
ḥśo'ntarikṣamapūpo marīcayaḥ putrāḥ
292.2
tasya ye prāñco raśmayastā
evāsya prācyo madhunāḍyaḥ| ṛca eva madhukṛta ṛgveda eva puṣpaṃ tā
amṛtā āpastā vā etā ṛcaḥ
292.3
etamṛgvedamabhyatapaḥstasyābhitaptasya yaśasteja indriyaṃ vīryamannādyaraso'jāyata
292.4
tadyaccakṣarattadādityamabhito'śrayattadvā etadyadetadādityasya rohitaṃ
rūpam
292.1-2
dvitīyaḥ khaṇḍaḥ
atha ye'sya dakṣiṇā raśmayastā evāsya dakṣiṇā madhunāḍyo
yajūṃṣyeva madhukṛto yajurveda eva puṣpaṃ tā amṛtā āpaḥ
292.1-3
tāni
vā etāni yajūṃṣyetaṃ yajurvedamabhyatapasta syābhitaptasya yaśasteja
indriyaṃ vīryamannādyaraso'jāyata
292.2-2
tadyaccakṣarattadādityamabhito'śrayattadvā etadyadetadādityasya śuklarūpam
292.1-4
tṛtīyaḥ khaṇḍaḥ
atha ye'sya pratyañco raśmayastā evāsya pratīcyo madhunāḍyaḥ
sāmānyeva madhukṛtaḥ sāmaveda eva puṣpaṃ tā amṛtā āpaḥ
292.2-3
tāni
vā etāni sāmānyetaḥ sāmavedamabhyatapastasyābhitaptasya yaśasteja
indriyaṃ vīryamannādyaraso'jāyata
292.3-2
tadyaccakṣarattadādityamabhito'śrayattadvā etadyadetadādityasya kṛṣṇarūpam
292.1-5
caturthaḥ khaṇḍaḥ
atha ye'syodañco raśmayastā evāsyodīcyo madhunāḍyo'thavāṅgirasa eva madhukṛta itihāsapurāṇaṃ puṣpaṃ tā amṛtā āpaḥ
292.2-4
te
vā ete'tharvāṅgirasa etaditihāsapurāṇamabhyatapastasyābhitaptasya
yaśasteja indriyaṃ vīryamannādyaraso'jāyata
292.3-3
tadyatkṣarattadādityamabhito'śrayattadvā etadyadetadādityasya paraṃ kṛṣṇarūpam
292.1-6
pañcamaḥ khaṇḍaḥ
atha ye'syordhvā raśmayastā evāsyordhvā madhunāḍyo guhyā
evādeśā madhukṛto brahmaiva puṣpaṃ tā amṛtā āpaḥ
292.2-5
te vā ete
guhyā ādeśā etadbrahmābhyatapastasyābhitaptasya yaśasteja indriyaṃ
vīryamannādyaraso'jāyata
292.3-4
tadyatkṣarattadādityamabhito'śrayattadvā
etadyadetadādityasya madhye kṣobhata iva
292.4-2
te vā ete rasānāṃrasā
vedā hi rasāsteṣāmete rasāstāni vā etānyamṛtānāmamṛtāni vedā
hyamṛtāsteṣāmetānyamṛtāni
292.1-7
ṣaṣṭhaḥ khaṇḍaḥ
tadyatprathamamamṛtaṃ tadvasava upajīvantyagninā mukhena na vai devā
aśnanti na pibantyetadevāmṛtaṃ dṛṣṭvā tṛpyanti
292.2-6
ta etadeva
rūpamabhisaṃviśantyetasmādbhūpādudyanti
292.3-5
sa ya etadevamamṛtaṃ veda
vasūnāmevaiko bhūtvāgninaivamukhenaitadevāmṛtaṃ dṛṣṭvā tṛpyati sa etadeva
rūpamabhisaṃviśatyetasmādbhūpādudeti
292.4-3
sa yāvadādityaḥpurastādudetā
paścādastametā vasūnāmeva tāvadādhipatyaḥsvārājyaṃ paryetā
292.1-8
saptamaḥ khaṇḍaḥ
atha yaddvitīyamamṛtaṃ tadrudrā upajīvantīdreṇa mukhena na vai devā
aśnanti na pibatyetadevāmṛtaṃ dṛṣṭvā tṛpyanti
292.2-7
ta etadeva
rūpamabhisaṃviśantyetasmādrūpādudyanti
292.3-6
sa ya evadevamamṛtaṃ veda
rudrāṇāmevaiko bhūtvendreṇaiva mukhenaitadevāmṛtaṃ dṛṣṭvā tṛpyati sa evadeva
rūpamabhisaṃviśatyetasmādrūpādudeti
292.4-4
sa yāvadādityaḥ purastādudetā
paścādastametā dvistāvaddakṣiṇata udetottarato'stametā rudrāṇāmeva
tāvadādhipatyaḥsvārājyaṃ paryetā
292.1-9
aṣṭamaḥ khaṇḍa
atha yattṛtīyamamṛtaṃ tadādityā upajīvanti varuṇena mukhena na vai
devā aśnanti na pibantyetadevāmṛtaṃ dṛṣṭvā tṛpyanti
292.2-8
ta etadeva
rūpamabhisaṃviśantyetasmādrūpādudyanti
292.3-7
sa ya etadevamamṛtaṃ
vedādityānāmevaiko bhūtvā varuṇenaiva mukhenaitadevāmṛtaṃ dṛṣṭvā tṛpyati
sa etadeva rūpamabhisaṃviśatyetasmādrūpādudeti
292.4-5
sa yāvadādityo
dakṣiṇata udetottarato'stametā dvistāvatpaścādudetā purastādastametādityānāmeva tāvadādhipatyaḥsvārājyaṃ paryetā
292.1-10
navamaḥ khaṇḍaḥ
atha yaccaturthamamṛtaṃ tanmaruta upajīvanti somena mukhena na vai
devā aśnanti na pibantyetadevāmṛtaṃ dṛṣṭvā tṛpyanti
292.2-9
ta etadeva
rūpamabhisaṃviśantyetasmādrūpādudyanti
292.3-8
sa ya etadevamamṛtaṃ veda
marutāmevaiko bhūtvā somenaiva mukhenaitadevāmṛtaṃ dṛṣṭvā tṛpyati sa
etadeva rūpamabhisaṃviśatyematasmādrūpādudeti
292.4-6
sa yāvadādityaḥ
paścādudetā purastādastametā dvistāvaduttarata udetā dakṣiṇato'stametā
marutāmeva tāvadādhipatyaḥsvārājyaṃ paryetā
292.1-11
daśamaḥ khaṇḍaḥ
atha yatpañcamamamṛtaṃ tatsādhyā upajīvanti brahmaṇā mukhena na vai
devā aśnanti na pibantyetadevāmṛtaṃ dṛṣṭvā tṛpyanti
292.2-10
ta etadeva
rūpamabhisaṃviśantyetasmādrūpādudyanti
292.3-9
sa ya etadevamamṛtaṃ veda
sādhyānāmevaiko bhūtvā brahmaṇaiva mukhenaitadevāmṛtaṃ dṛṣṭvā tṛpyati sa
etadeva rūpamabhisaṃviśatyetasmādrūpādudeti
292.4-7
sa yāvadāditya
uttarata udetā dakṣiṇato'stametā dvistāvadūrdhvaṃ udetārvāṅastametā
sādhyānāmeva tāvadādhipatyaṃsvārājyaṃ paryetā
292.1-12
ekādaśaḥ khaṇḍaḥ
atha tata ūrdhvaṃ udetya naivodetā nāstametaikala eva madhye sthātā
tadeṣa ślokaḥ
292.2-11
na vai tatra na nimloca nodiyāya kadācana
devāstenāhaḥsatyena mā virādhiṣi brahmaṇeti
292.3-10
na ha vā asmā
udeti na nimlocati sakṛddivā haivāsmai bhavati ya etāmevaṃ
brahmopaniṣadaṃ veda
292.4-8
tadvaitadbrahmā prajāpataya uvāca prajāpatirmanave
manuḥ prajābhyastadvaitaduddālakāyāruṇaye jyeṣṭhāya putrāya pitā brahma
provāca
292.5
idaṃ vāva tajjyeṣṭhāya putrāya pitā brahma prabrūyāt
prāṇāyyāya vāntevāsine
292.6
nānyasmai kasmaicana yadyapyasmā
imāmadbhiḥ parigṛhītāṃ dhanasya pūrṇāṃ dadyādetadeva tato bhūya ityetadeva
tato bhūya iti
Linked texts (10)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Īśādidvādaśopaniṣadaḥ — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Aṣṭottaraśatopaniṣadaḥ — Sanskrit
- Upaniṣads — Sanskrit
- Different Upaniṣads — Sanskrit
- Aṣṭāviṃśatyupaniṣad — Sanskrit
- Kalpataruparimala (ed. Rāmaśāstrī Telanga) — Sanskrit