Samavedabrahmananyashtau 293
Sāmavedabrāhmaṇānyaṣṭau 293
- Language
- Sanskrit
293.1
dvādaśaḥ khaṇḍaḥ
gāyatrī vā idaḥsarvaṃ bhūtaṃ yadidaṃ kiṃ ca vāgvai gāyatrī vāgvā
idaḥsarvaṃ bhūtaṃ gāyati ca trāyate ca
293.2
yā vai sā gāyatrīyaṃ vāva sā
yeyaṃ pṛthivyasyāḥhīdaḥsarvaṃ bhūtaṃ pratiṣṭhitametāmeva nātiśīyate
293.3
yā vai sā pṛthivī iyaṃ vāva sā yadidamasminpuruṣe śarīramasminhīme
prāṇāḥ pratiṣṭhitā etadeva nātiśīyante
293.4
yadvai tatpuruṣe śarīramidaṃ
vāva tadyadidamasminnataḥ puruṣe hṛdayamasminhīme prāṇāḥ pratiṣṭhitā
etadeva nātiśīyante
293.5
saiṣā catuṣpadā ṣaḍvidhā gāyatrī
tadetadṛcābhyanūktam
293.6
tāvānasya mahimā tato jyāyāṃśca pūruṣaḥ
pādo'sya sarvā bhūtāni tripādasyāmṛtaṃ divīti
293.7
yadvai tadbrahmetīdaṃ
vāva tadyo'yaṃ bahirdhā puruṣādākāśo yo vai sa bahirdhā
puruṣādākāśaḥ
293.8
ayaṃ vāva sa yo'yamanta puruṣa ākāśo yo vai
so'ntaḥ puruṣa ākāśaḥ
293.9
ayaṃ vāva sa yo'yamantarhṛdaya
ākāśastadetatpūrṇamapravarti pūrṇāmapravartinīḥśriyaṃ labhate ya evaṃ
veda
Linked texts (1)
- Īśādidvādaśopaniṣadaḥ — Sanskrit