Pramāṇa · Search · About · API

Samavedabrahmananyashtau 294

Sāmavedabrāhmaṇānyaṣṭau 294

Language
Sanskrit

294.1

trayodaśaḥ khaṇḍaḥ
tasya ha vā etasya hṛdayasya pañca devasuṣayaḥ sa yo'sya prāṅ
suṣiḥ sa prāṇastaccakṣuḥ sa ādityastadetattejo'nnādyamityupāsīta
tejasvyannādo bhavati ya evaṃ veda

294.2

atha yo'sya dakṣiṇaḥ suṣiḥ
sa vyānastacchrotramsa candramāstadetacchrīśca yaśaśretyupāsīta
śrīmānyaśasvī bhavati ya evaṃ veda

294.3

atha yo'sya pratyaṅ suṣiḥ
sopānaḥ sā vākso'gnistadetadbrahmavarcasannādyamityupāsīta
brahmavarcasyannādo bhavati ya evaṃ veda

294.4

atha yo'syodaṅ suṣiḥ sa
samānastanmanaḥ sa parjanyastadetatkīrtiśca vyuṣṭiśretyupāsīta
kīrtimānvyuṣṭimānbhavati ya evaṃ veda

294.5

atha yo'syordhvaḥ suṣiḥ
sa udānaḥ sa vāyuḥ sa ākāśastadetadojaśca mahaśretyupāsītaujasvī
mahasvānbhavati ya evaṃ veda

294.6

te vā ete pañca brahmapuruṣāḥ svargasya
lokasya dvārapāḥ sa ya etānevaṃ pañca brahmapuruṣānsvargasya lokasya
dvārapānvedāsya kule vīro jāyate pratipadyate svargaṃ lokaṃ ya etānevaṃ
pañca brahmapuruṣānsvargasya lokasya dvārapānveda

294.7

atha yadataḥ paro
divo jyotirdīpyate viśvataḥ pṛṣṭheṣu sarvataḥ pṛṣṭheṣvanuttameṣūttameṣu
lokeṣvidaṃ vāva tadyadidamasminnataḥ puruṣe jyotiḥ

294.8

tasyaiṣādṛṣṭiryatraitadasmiñcharīre saṃsparśenoṣṇimānaṃ vijānāti
tasyaiṣā śrutiryatraitatkarṇāvapigṛhya ninadamiva nadathurivāgneriva jvalata
upaśrṛṇoti tadetaddṛṣṭaṃ ca śrutaṃ cetyupāsīta cakṣuṣyaḥ śruto bhavati ya
evaṃ veda ya evaṃ veda

Linked texts (11)