Samavedabrahmananyashtau 295
Sāmavedabrāhmaṇānyaṣṭau 295
- Language
- Sanskrit
295.1
caturdaśaḥ khaṇḍaḥ
sarvaṃ khalvidaṃ brahma tajjalāniti śānta upāsīta| atha khalu
kratumayaḥ puruṣo yathākraturasmim̐lloke puruṣo bhavati tathetaḥ pretya
bhavati sa kratuṃ kurvīta
295.2
manomayaḥ prāṇaśarīro bhārūpaḥ
satyasaṃkalpa ākāśātmā sarvakarmā sarvakāmaḥ sarvagandhaḥ sarvarasaḥ
sarvamidamabhyātto'vākyanādaraḥ
295.3
eṣa ma ātmāntarhṛdaye'ṇīyānvrīhervā yavādvā sarṣapādvā śyāmākādvā śyāmākataṇḍulādvaiṣa ma
ātmāntarhṛdaye jyāyānpṛthivyā jyāyānantarikṣājjyāndivo
jyāyānebhyo lokebhyaḥ
295.4
sarvakarmā sarvakāmaḥ sarvagandhaḥ
sarvarasaḥ sarvamidamabhyātto'vākyanādara eṣa ma ātmāntarhṛdaya
etadbrahmaitamitaḥ pretyābhisaṃbhavitāsmīti yasya syādaddhā na
vicikitsāstīti ha smāha śāṇḍilyaḥ śāṇḍilyaḥ
295.1-2
pañcadaśaḥ khaṇḍaḥ
antarikṣodaraḥ kośo bhūmibudhno na jīryati diśo hyasya
sraktrayo dyaurasyottaraṃ bilaḥsa eṣa kośo
vasudhānastasminviśvamidaḥśritam
295.2-2
tasya prācī digjuhūrnāma
sahamānā nāma dakṣiṇā rājñīnāma pratīcī subhūtā nāmodīcī tāsāṃ
vāyurvatsaḥ sa ya etamevaṃ vāyuṃ diśāṃ vatsaṃ veda na putrarodaḥ roditi
so'hametamevaṃ vāyuṃ diśāṃ vatsaṃ veda mā putrarodaḥ rudam
295.3-2
ariṣṭaṃ
kośaṃ prapadye'munāmunāmunā prāṇaṃ prapadye'munāmunāmunā bhūḥ
prapadye'munāmunāmunā bhuvaḥ prapadye'munāmunāmunā svaḥ
prapadyemunāmunā'munā
295.4-2
sa yadavocaṃ prāṇaṃ prapadya iti prāṇo vā
idaḥsarvaṃ bhūtaṃ yadidaṃ kiṃ ca tameva tatprāpattis
295.5
atha yadavocaṃ bhūḥ
prapadya iti pṛthivīṃ prapadye'ntarikṣaṃ prapadye divaṃ prapadya ityeva
tadavocam
295.6
atha yadavocaṃ bhuvaḥ prapadya ityagniṃ prapadye vāyuṃ prapadya
ādityaṃ prapadya ityeva tadavocam
295.7
atha yadavocaḥsvaḥ prapadya
ityṛgvedaṃ prapadye yajurvedaṃ prapadye sāmavedaṃ prapadya ityeva tadavocaṃ
tadavocam
Linked texts (2)
- Īśādyupaniṣadaḥ — Sanskrit
- Īśādidvādaśopaniṣadaḥ — Sanskrit