Samavedabrahmananyashtau 296
Sāmavedabrāhmaṇānyaṣṭau 296
- Language
- Sanskrit
296.1
ṣoḍaśaḥ khaṇḍaḥ
puruṣo vāva yajñastasya yāni caturviṃśati varṣāṇi tatprātaḥ
savanaṃ caturviṃśatyakṣarā gāyatrī gāyatraṃ prātaḥ savanaṃ tadasya
vasavo'nvāyattāḥ prāṇā vāva vasava ete hīdaḥsarvaṃ vāsayanti
296.2
taṃ cedetasminvayasi kiñcidupatapetsa brūyātprāṇā vasava idaṃ me prātaḥ
savanaṃ mādhyandinaḥsavanamanusaṃtanuteti māhaṃ prāṇānāṃ vasūnāṃ madhye yajño
vilopsīyetyuddhaiva tata etyagado ha bhavati
296.3
atha yāni
catuścatvāriṃśadvarṣāṇi tanmādhyandinaḥsavanaṃ catuścatvāriṃśadakṣarā
triṣṭupvaiṣṭubhaṃ mādhyandinaḥsavanaṃ tadasya rudrā anvāyattāḥ prāṇā vāva
rudrā ete hīdaḥsarvaṃ rodayanti
296.4
taṃ cedetasminvayasi
kiñcidupatapetsa brūyātprāṇā rudrā idaṃ me mādhyandinaḥsavanaṃ
tṛtīyasavanamanusaṃtanuteti māhaṃ prāṇānāḥrudrāṇāṃ madhye yajño
vilopsīyetyuddhaiva tata etyagado ha bhavati
296.5
atha
yānyaṣṭācatvāriṃśadvarṣāṇi tattṛtīyasavanamaṣṭācatvāriṃśadakṣarā
jagatī jāgataṃ tṛtīyasavanaṃ tadasyādityā anvāyattāḥ prāṇā
vāvādityā ete hīdaḥsarvamādadate
296.6
taṃ cedetasminvayasi
kiñcidupatapetsa brūyāt prāṇā ādityā idaṃ me
tṛtīyasavanamāyuranusaṃtanuteti māhaṃ prāṇānāmādityānāṃ madhye yajño
vilopsīyetyuddhaiva tata etyagado haiva bhavati
296.7
etaddha sma vai
tadvidvānāha mahidāsa aitareyaḥ sa kiṃ ma etadupatapasi yo'hamanena na
preṣyāmīti sa ha ṣoḍaśaṃ varṣaśatamajīvatra ha ṣoḍaśaṃ varṣaśataṃ jīvati ya evaṃ veda