Samavedabrahmananyashtau 30
Sāmavedabrāhmaṇānyaṣṭau 30
- Language
- Sanskrit
30.1
caturthaḥ khaṇḍaḥ
prāṇena purastādāhavanīyamupatiṣṭhante prāṇameva tajjayanti
30.2
apānena paścātpucchamupatiṣṭhante apānameva tajjayanti
30.3
vratapakṣābhyāṃ pakṣāvupatiṣṭhante diśa eva tajjayanti
30.4
prajāpaterhṛdayenāpikakṣamupatiṣṭhante jyaiṣṭhayameva tajjayanti
30.5
vasiṣṭhasya
nihavena cātvālamupatiṣṭhante svargameva tallokamāptvā śriyaṃ
vadante
30.6
vaiśvadevyāmṛci bhavati viśvarūpaṃ vai paśūnāḥrūpaṃ paśūneva
tajjayanti
30.7
satrasyaddhartvāgnīdhramupatiṣṭhanta ṛddhāveva
pratitiṣṭhanti
30.8
caturakṣaraṇidhanaṃ bhavati catuṣpādāḥ paśavaḥ
paśuṣveva pratitiṣṭhanti
30.9
ātamitornidhanamupayantyāyureva
sarvamāpnuvanti
30.10
ślokānuślokābhyāṃ havirddhāne upatiṣṭhante
kīrtimeva tajjayanti
30.11
yāmena mājrjālīyamupatiṣṭhante
pitṛlokameva tajjayanti
30.12
āyurnavastobhābhyāḥsada upatiṣṭhante
brahma caiva tat kṣatrañca jayanti
30.13
ṛśyasya sāmnā
gārhapatyamupatiṣṭhante
30.14
idraḥsarvāṇi bhūtānyastuvaḥstasyarśya ekamaṅgamastutamacāyattadasyaitenāstauttenāsya priyaṃ dhāmopāgacchatpriyamevāsyaitena dhāmopagacchanti
30.15
yat parokṣaṃ nidhanamupeyurhītamukhaṃ pratimuñceran
pratyakṣamupayanti hītamukhamevāpajayanti
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit