Pramāṇa · Search · About · API

Samavedabrahmananyashtau 300

Sāmavedabrāhmaṇānyaṣṭau 300

Language
Sanskrit

300.1

ṣaṣṭhaḥ prapāṭhakaḥ
prathama khaṇḍaḥ
jānaśrutirha pautrāyaṇaḥ śraddhādeyo bahudāyī bahupākya āsa| sa
ha sarvata āvasathānmāpayāñcakre sarvata eva me'nnamatsyantīti

300.2

atha ha haṃsā niśāyāmatipetustadvaivaḥhaṃso haṃsamabhyuvāda ho
ho'yi bhallākṣa bhallākṣa jānaśruteḥ pautrāyaṇasya samaṃ divā
jyotirātataṃ tanmā prasāṅkṣī stattvā mā pradhākṣīriti

300.3

tamu ha
paraḥ pratyuvāca kamvara enametatsantaḥsayugvānamiva raikkamātyeti yo
nu kathaṃsayugvā raikka iti

300.4

yathā kṛtāyavijitāyādhareyāḥ
saṃyantyevamenaṃsarvaṃ tadabhisameti yatkiñca prajāḥ sādhu kurvanti
yastadveda yatsa veda sa mayaitadukta iti

300.5

tadu ha jānaśrutiḥ
pautrāyaṇa upaśuśrāva| sa ha saṃjihāna eva kṣattāramuvācāṅgāre ha
sayugvānamiva raikkamātyeti yo nu kathaṃsayugvā raikka iti

300.6

yathā
kṛtāyavijitāyādhareyāḥ saṃyantyevamenaṃsarvaṃ tadabhisameti yatkiñca
prajāḥ sādhu kurvanti yastadveda yatsa veda sa mayaitadukta iti

300.7

sa ha
kṣattānviṣya nāvidamiti pratyeyāya taṃhovāca yatrāre
brāhmaṇasyānveṣaṇā tadenamarccheti

300.8

so'dhastācchakaṭasya pāmānaṃ
kaṣamāṇamupopaviveśa taṃhābhyuvāda tvaṃ nu bhagavaḥ sayugvā raikka
ityahaṃhrā 3 iti ha pratijajñe sa ha kṣattāvidamiti pratyeyāya

Linked texts (11)