Samavedabrahmananyashtau 302

Sāmavedabrāhmaṇānyaṣṭau 302

Language: Sanskrit

302.1

tṛtīyaḥ khaṇḍaḥ
vāyurvāva saṃvargo yadā vā agnirudvāyati vāyumevāpyeti yadā
sūryo'stameti vāyumevāpyeti yadā candro'stameti
vāyumevāpyeti

302.2

yadāpa ucchuṣyanti vāyumevāpiyanti vāyuhyai
vaitān sarvānsaṃvṛṅkta ityadhidaivatam

302.3

athādhyātmaṃ prāṇo vāva
saṃvargaḥ sa yadā svapiti prāṇameva vāgapyeti prāṇaṃ cakṣuḥ prāṇaṃ śrotraṃ
prāṇaṃ manaḥ prāṇo hyevaitān sarvānsaṃvṛṅkta iti

302.4

tau vā etau dvau
saṃvargau vāyureva deveṣu prāṇaḥ prāṇeṣu

302.5

atha ha śaunakaṃ ca
kāpeyamabhipratāriṇaṃ ca kākṣaseniṃ pariviṣyamāṇau brahmacārī
bibhikṣe tasmā u ha na dadatuḥ

302.6

sa hovāca mahātmanaścaturo deva
ekaḥ kaḥ sa jagāra bhuvanasya gopāstaṃ kāpeya nābhipaśyanti martyā
abhipratārinbahudhā vasantaṃ yasmai vā etadannaṃ tasmā etanna
dattamiti

tadu ha śaunakaḥ kāpeyaḥ pratimanvānaḥ pratyeyāyātmā
devānāṃ janitā prajānāgṃhiraṇyadagṃṣṭro babhaso'nasūrirmahāntamasya
mahimānamāhuranadyamāno yadannamattīti vai vayaṃ brahmacārinnedamupāsmahe
dattāsmai bhikṣāmiti

302.8

tasmā u ha daduste vā ete pañcānye pañcānye
daśa santastatkṛtaṃ tasmātsarvāsu dikṣvannameva daśa kṛtagṃsaiṣā
virāḍannādi tayedam̐sarvaṃ dṛṣṭam̐sarvamasyedaṃ dṛṣṭaṃ bhavatyannādo bhavati ya
evaṃ veda ya evaṃ veda