Samavedabrahmananyashtau 303
Sāmavedabrāhmaṇānyaṣṭau 303
- Language
- Sanskrit
303.1
caturthaḥ khaṇḍaḥ
satyakāmo ha jābālo jabālāṃ mātaramāmantrayāñcakre brahmacaryaṃ
bhavati vivatsyāmi kiṃ gotro'nvahamasmīti
303.2
sā hainamuvāca
nāhametadveda tāta yadgotrastvamasi bahvaṃ carantī paricāriṇī yauvane
tvamalabhe sāhametanna veda yadgotrastvamasi jabālā tu nāmāhamasmi
satyakāmo nāma tvamasi sa satyakāma eva jābālo bruvīthā
iti
303.3
sa ha hāridrumataṃ gautamametyovāca brahmacaryaṃ bhagavati
vatsyāmyupeyāṃ bhagavantamiti
303.4
taḥhovāca kiṃ gotro nu
somyāsīti sa hovāca nāhametadveda bho yadgotro'hamasmyapṛcchaṃ
mātaraḥsā mā pratyabravīdbahvahaṃ carantī paricāriṇī yauvane tvāmalabhe
sāhametanna veda yadgotrastvamasi jabālā tu nāmāhamasmi satyakāmo
nāma tvamasīti so'haḥsatyakāmo jābālo'smi bho iti
303.5
taḥhovāca naitadbrāhmaṇo vivaktumarhati samidhaḥ somyāharopa tvā neṣye
na satyādagā iti tamupanīya kṛśānāmabalānāṃ catuḥśatā gā
nirākṛtyovācemāḥ somyānusaṃvrajeti tā abhiprasthāpayannuvāca
nāsahasreṇāvarteyeti sa ha varṣagaṇaṃ provāsa tā yadā
sahasraḥ saṃpeduḥ
Linked texts (12)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Upaniṣads — Sanskrit
- Aṣṭāviṃśatyupaniṣad — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Chāndogyopaniṣatkhaṇḍārtha — Sanskrit
- Aṣṭottaraśatopaniṣadaḥ — Sanskrit
- Mantrapuṣpa — Sanskrit
- Īśādyupaniṣadaḥ — Sanskrit
- Chāndogyopaniṣad C — Rāmānuja Yatirāj, Sanskrit
- Chāndogyadīpikā — Sanskrit