Pramāṇa · Search · About · API

Samavedabrahmananyashtau 304

Sāmavedabrāhmaṇānyaṣṭau 304

Language
Sanskrit

304.1

pañcamaḥ khaṇḍaḥ
atha hainamṛṣabho'bhyuvāda satyakāma 3 iti bhagava iti ha
pratiśuśrāva prāptāḥ somya sahasraḥsmaḥ prāpaya na ācāryakulam

304.2

brahmaṇaśca te pādaṃ bravāṇīti bravītu me bhagavāniti tasmai hovāca
prācī dikkalā pratīcī dikkalā dakṣiṇā dikkalodīcī dikkalaiṣa vai
somya catuṣkalaḥ pādo brahmaṇaḥ prakāśavānnāma

304.3

sa ya etamevaṃ
vidvām̐ścatuṣkalaṃ pādaṃ brahmaṇaḥ prakāśavānityupāste prakāśavānasmim̐lloke bhavati prakāśavato ha lokāñjayati ya etamevaṃ
vidvām̐ścatuṣkalaṃ pādaṃ brahmaṇaḥ prakāśavānityupāste

304.1-2

ṣaṣṭhaḥ khaṇḍaḥ
agniṣṭe pādaṃ vakteti sa ha śvobhūte gā abhiprasthāprayāñjakāra
tā yatrābhi sāyaṃ babhūvustatrāgnimupasamādhāya gā uparudhya
samidhamādhāya paścādagreḥ prāṅupopaviveśa

304.2-2

tamagnirabhyuvāda
satyakāma 3 iti bhagava iti ha pratiśuśrāva

304.3-2

brahmaṇaḥ somya te
pādaṃ bravāṇīti bravītu me bhagavāniti tasmai hovāca pṛthivī
kalā'ntarikṣaṃ kalā dyauḥ kalā samudraḥ kalaiṣa vai somya catuṣkalaḥ
pādo brahmaṇo'nantavānnāma

304.4

sa ya etamevaṃ vidvām̐ścatuṣkalaṃ pādaṃ
brahmaṇo'nantavānityupāste anantavānasmim̐lloke bhavatyanantavato ha
lokāñjayati ya etamevaṃ vidvām̐ścatuṣkalaṃ pādaṃ brahmaṇo'nantavānityupāste

304.1-3

saptamaḥ khaṇḍaḥ
ham̐saste pādaṃ vakteti sa ha śvobhūte gā abhiprasthāpayāñjakāra
tā yatrābhi sāyaṃ babhūvustatrāgnimupasamādhāya gā uparudhya
samidhamādhāya paścādagreḥ prāṅupopaviveśa

304.2-3

taḥ ham̐sa
upanipatyābhyuvāda satyakāma3 iti bhagava iti ha pratiśuśrāva

304.3-3

brahmaṇaḥ somya te pādaṃ bravāṇīti bravītu me bhagavāniti tasmai
hovācāgniḥ kalā sūryaḥ kalā candraḥ kalā vidyutkalaiṣa vai somya
catuṣkalaḥ pādo brahmaṇo jyotiṣmānnāma

304.4-2

sa ca etamevaṃ
vidvām̐ścatuṣkalaṃ pādaṃ brahmaṇo jyotiṣmānityupāste
jyotiṣmānasmim̐lloke bhavati jyotiṣmato ha lokāñjayati ya
etamevaṃ vidvām̐ścatuṣkalaṃ pādaṃ brahmaṇo jyotiṣmānityupāste

304.1-4

aṣṭamaḥ khaṇḍaḥ
mahuṣṭe pādaṃ vakteti sa ha śvobhūte gā abhiprasthāpayāñcakāra tā
yatrābhi sāyaṃ babhūvustatrāgnimupasamādhāya gā uparudhya samidhamādhāya
paścādagneḥ prāṅmupopaviveśa

304.2-4

taṃ mahruṣanipatyābhyuvāda satyakāma
3 iti bhagava iti ha pratiśuśrāva

304.3-4

brahmaṇaḥ somya te pādaṃ
bravāṇīti bravītu me bhagavāniti tasmai hovāca prāṇaḥ kalā cakṣuḥ
kalā śrotraṃ kalā manaḥ kalaiṣa vai somya catuṣkalāḥ pādo brahmaṇa
āyatanavānnām

304.4-3

sa ya etamevaṃ vidvām̐ścatuṣkalaṃ pādaṃ brahmaṇa
āyatanavānityupāsta āyatanavānasmim̐lloke bhavatyāyatanavato ha
lokāñjayati ya etamevaṃ vidvām̐ścatuṣkalaṃ pādaṃ brahmaṇa
āyatanavānityupāste

304.1-5

navamaḥ khaṇḍaḥ
prāpa hācāryakulaṃ tamācāryo'bhyuvāda satyakāma 3 iti bhagava
iti ha pratiśuśrāva

304.2-5

brahmavidiva vai somya bhāsi ko nu
tvānuśaśāsetyanye manuṣyebhya iti ha pratijajñe bhagavām̐stveva me kāme
brūyāt

304.3-5

śrutaḥhyeva me bhagavaddṛśebhya ācāryādvaiva vidyā viditā
sādhiṣṭhaṃ prāpatīti tasmai haitadevovācātra ha na kiñcana vīyāyeti
vīyāyetiḥ

304.1-6

daśamaḥ khaṇḍaḥ
upakosalo ha vai kāmalāyanaḥ satyakāme jābāle
brahmacaryamuvāsa tasya ha dvādaśavarṣāṇyagnīnparicacāra sa ha
smānyānantevāsinaḥ samāvartayaḥstaḥha smaiva na samāvartayati

304.2-6

taṃ
jāyovāca tapto brahmacārī kuśala magnīnparicacārīnmā tvāgnayaḥ
paripravocannabrūhyasmā iti tasmai hā procyaiva pravāsāñcakre

304.3-6

sa ha
vyādhinānaśituṃ dadhre tamācāryajāyovāca brahmacārinnaśāna kiṃ nu
nāśnāsīti| sa hovāca bahava ime'sminpuruṣe kāmā nānātyayā
vyādhibhiḥ pratipūrṇo'smi nāśiṣyāmīti

304.4-4

atha hāmrayaḥ
samūdire tapto brahmacārī kuśalaṃ naḥ paryacārīddhantāsmai prabravāmeti
tasmai hocuḥ prāṇo brahma kaṃ brahma khaṃ brahmeti

304.5

sa hovāca
vijānāmyahaṃ yatprāṇe brahma kaṃ ca tu khaṃ ca na vijānāmīti te
hocuryadvāva kaṃ tadeva khaṃ yadeva khaṃ tadeva kamiti prāṇaṃ ca hāsmai
tadākāśaṃ cocuḥ

Linked texts (11)