Samavedabrahmananyashtau 308
Sāmavedabrāhmaṇānyaṣṭau 308
- Language
- Sanskrit
308.1
saptamaḥ prapāṭhakaḥ
prathamaḥ khaṇḍaḥ
yo ha vai jyeṣṭhaṃ ca śreṣṭhaṃ ca veda jyeṣṭhaśca ha vai śreṣṭhaśca bhavati
prāṇo vāva jyeṣṭhaśca śreṣṭhaśca
308.2
yo ha vai vasiṣṭhaṃ veda vasiṣṭho ha
svānāṃ bhavati vāgvāva vasiṣṭhaḥ
308.3
yo ha vai pratiṣṭhāṃ veda prati ha
tiṣṭhatyasmim̐śca loke'muṣmim̐śca cakṣurvāva pratiṣṭhā
308.4
yo ha vai saṃpadaṃ
veda saṃhāsmai kāmāḥ padyante daivāśca mānuṣāśca śrotraṃ vāva saṃpat
308.5
yo ha vā āyatanaṃ vedāyatanaṃha svānāṃ bhavati mano ha vā
āyatanam
308.6
atha ha prāṇā ahaṃśreyasi vyūdire'haṃśreyānasmyahaṃ
śreyānasmīti
308.7
te ha prāṇāḥ prajāpatiṃ pitarametyocurbhagavanko naḥ
śreṣṭha iti tānhovāca yasminva utkrānte śarīraṃ pāpiṣṭhataramiva
dṛśyeta sa vaḥ śreṣṭha iti
308.8
sā ha vāguccakrāma sā saṃvatsaraṃ proṣya
paryetyovāca kathamaśakatarte majjīvitumiti? yathā kalā avadantaḥ
prāṇantaḥ prāṇena paśyantaścakṣuṣā śrṛṇvantaḥ śrotreṇa dhyāyanto
manasaivamiti praviveśa ha vāk
308.9
cakṣurhoccakrāma tatsaṃvatsaraṃ
proṣya paryetyovāca kathamaśakatarte majjīvitumiti? yathānthā
apaśyantaḥ prāṇantaḥ prāṇena vadanto vācā śrṛṇvantaḥ śrotreṇa
dhyāyanto manasaivamiti praviveśa ha cakṣuḥ
308.10
śrotraṃhoccakrāma
tatsaṃvatsaraṃ proṣya paryetyovāca kathamaśakatarte majjīvitumiti?
yathā badhirā aśrṛṇvantaḥ prāṇantaḥ prāṇena vadanto vācā
paśyantaścakṣuṣā dhyāyanto manasaivamiti praviveśa ha śrotram
308.11
mano hoccakrāma tatsaṃvatsaraṃ proṣya paryetyovāca kathamaśakatarte
majjīvitumiti? yathā bālā amanasaḥ prāṇantaḥ prāṇena vadanto
vācā paśyantaścakṣuṣā śrṛṇvantaḥ śrotreṇaivamiti praviveśa ha
manaḥ
308.12
atha ha prāṇa uccakramiṣansa yathā suhayaḥ
ṣaḍvīśaśaṅkūn sannidedevamitarān prāṇān samakhidattaḥhābhisametyocurbhagavannedhi tvaṃ naḥ śreṣṭho'si motkramīriti
308.13
atha
hainaṃ vāguvāca yadahaṃ vasiṣṭho'smi tvaṃ tadvasiṣṭho'sītyatha hainaṃ
cakṣuruvāca yadahaṃ pratiṣṭhāsmi tvaṃ tatpratiṣṭhāsīti
308.14
atha
hainaḥśrotramuvāca yadahaḥsampadasmi tvaṃ tatsampadasītyatha hainaṃ mana
uvāca yadahamāyatanamasmi tvaṃ tadāyatanamasīti
308.15
na vai vāco na
cakṣūṃṣi na śrotrāṇi na manāḥsītyācakṣate prāṇā ityevācakṣate prāṇo
hovaitāni sarvāṇi bhavati
Linked texts (12)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Aṣṭottaraśatopaniṣadaḥ — Sanskrit
- Upaniṣads — Sanskrit
- Īśādyupaniṣadaḥ — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit
- Mantrapuṣpa — Sanskrit
- Aṣṭāviṃśatyupaniṣad — Sanskrit
- Īśādidvādaśopaniṣadaḥ — Sanskrit
- Different Upaniṣads — Sanskrit
- Chāndogyadīpikā — Sanskrit