Pramāṇa · Search · About · API

Samavedabrahmananyashtau 309

Sāmavedabrāhmaṇānyaṣṭau 309

Language
Sanskrit

309.1

dvitīyaḥ khaṇḍaḥ
sa hovāca kiṃ me'nnaṃ bhaviṣyatīti yatkiñcididamāśvabhya ā
śakunibhya iti hocustadvā etadanasyānnamano ha vai nāma pratyakṣaṃ na ha
vā evaṃvidi kiścanānannaṃ bhavatīti

309.2

sa hovāca kiṃ me vāso
bhaviṣyatītyāpa iti hocustasmādvā etadaśiṣyantaḥ
purastāccopariṣṭāccāvadviḥ paridadhati lambhuko ha vāso bhavatyanagno
ha bhavati

309.3

tadvaitatsatyakāmo jābālo gośrutaye vaiyāghra
padyāyoktvovāca yadyapyenacchuṣkāya sthāṇave brūyājjāyerannevāsmin
śākhāḥ praroheyuḥ palāśānīti

309.4

atha yadi mahajjigamiṣedamāvāsyāyāṃ dīkṣitvā paurṇamāsyāḥrātrau sarvauṣadhasya manthaṃ
dadhimadhunorupamathya jyeṣṭhāya śreṣṭhāya svāhetyagnāvājyasya hutvā manthe
saṃpātamavanayet

309.5

vasiṣṭhāya svāhetyagnāvājyasya hutvā manthe
saṃpātamavanayetpratiṣṭhāyai svāhetyagnāvājyasya hutvā manthe saṃpātamavanayetsaṃpade svāhetyagnāvājyasya hutvā manthe saṃpātamavanayedāyatanāya svāhetyagnāvājyasya hutvā manthe
saṃpātamavanayet

309.6

atha pratisṛpyāñjalau manthamādhāya japatyamo
nāmāsyamā hi te sarvamidaḥsa hi jyeṣṭhaḥ śreṣṭho rājādhipatiḥ sa mā
jyeṣṭhaśreṣṭhaśca rājyamādhipatyaṃ gamayatvahamevedarvasamānīti

309.7

atha khalvetayarcā paccha ācāmati| tatsaviturvṛṇīmaha ityācāmati
vayaṃ devasya bhojanamityācāmati| śreṣṭhaḥ sarvadhātamityācāmati| turaṃ
bhargasya dhīmahīti sarvaṃ pibati| nirṇijya kaṃsaṃ camasaṃ vā paścādagreḥ
saṃviśati carmaṇi vā sthaṇḍile vā vācaṃyamo'prasāhaḥ| sa yadi striyaṃ
paśyetsamṛddhaṃ karmeti vidyāt

309.8

tadeṣaśloko yadā karmasu kāmyeṣu
striyaḥ svapneṣu paśyati samṛddhiṃ tatra jānīyāttasmin svapnanidarśane
tasmin svapnanidarśane

Linked texts (12)