Pramāṇa · Search · About · API

Samavedabrahmananyashtau 31

Sāmavedabrāhmaṇānyaṣṭau 31

Language
Sanskrit

31.1

pañcamaḥ khaṇḍaḥ
āsandīmāruhyodgāyati devasākṣya eva tadupariṣadyaṃ jayati

31.2

audumbarī bhavatyūrgudumbara ūrjjamevāvarundhe

31.3

prādeśamātrī
bhavatyasya lokasyānuddhānāya

31.4

chandobhirārohati svargameva
tallokamārohati

31.5

chandobhirupāvarohatyasiṃlloke pratitiṣṭhati

31.6

sarveṇātmanā samuddhṛtyodreyameṣu lokeṣu
nehyāhito'sānīti

31.7

ekasyāḥstotrīyāyāmastutāyāṃ
pādāvupāvaharati

31.8

saha nidhanena pratiṣṭhāmupayantyeṣveva lokeṣu
pratitiṣṭhanti

31.9

preṅkhamāruhya hotā śaṃsati mahasa eva tadrūpaṃ
kriyate

31.10

yadā vai prajā mahaḥ āviśati preṅkhāstārhyārohanti

31.11

phalakamāruhyādhvaryuḥ pratigṛṇāti

31.12

kūrccānitare'dhyāsata
ūrdhvā eva tadutkrāmanto yanti

31.13

abhigarāpagarau bhavato
nindatyenānanyaḥ prānyaḥ śaṃsati ya enānnindati pāpmānameṣāḥso'pahanti
ya: praśaṃsati yadevaiṣāṃ suṣṭutaḥsuśastaṃ tat so'bhigṛṇāti

31.14

śūdrāyau carmmaṇi vyāyacchete tayorāryaṃ varṇamupajjāyanti

31.15

devāśca vā asurāścāditye vyāyacchantastandevā abhyajayaṃstato devā
abhavan| parāsurā abhavannātmanā parāsya bhrātṛvyo bhavati ya evaṃ
veda

31.16

yadāryaṃ varṇamujjāpayantyātmānameva tadujjāpayanti

31.17

parimaṇḍalaścarma bhavatyādityasyaiva tadrūpaṃ
kriyate

31.18

sarvāsu svaktiṣu dundubhayo vadanti yā vanaspatiṣu vāktāmeva
tajjayanti

31.19

bhūmidundubhirbhavati yā pṛthivyāṃ vāktāmeva
tajjayanti

31.20

sarvā vāco vadanti yeṣu lokeṣu vāktāmeva
tajjayanti

31.21

sannaddhā: kavacina: pariyantīndriyasyaiva tadrūpaṃ
kriyate'tho mahāvratameva mahayanti

Linked texts (3)