Samavedabrahmananyashtau 310
Sāmavedabrāhmaṇānyaṣṭau 310
- Language
- Sanskrit
310.1
tṛtīyaḥ khaṇḍaḥ
śvetaketurhāruṇeyaḥ pañcālānāṃ samitimeyāya taṃha pravāhaṇo
jaivaliruvāca kumārānu tvāśiṣatyitetyanu hi bhagava iti
310.2
vettha
yadito'dhi prajāḥ prayantīti na bhagava iti vettha yathā punarāvartanta3
iti na bhagava iti vettha pathordevayānasya pitṛyāṇasya ca vyāvartanā3
iti na bhagava iti
310.3
vettha yathāsau loko na saṃpūryata3 iti na
bhagava iti vettha yathā pañcamyāmāhutāvāpaḥ puruṣavacaso bhavantīti
naiva bhagava iti
310.4
athānu kimanuśiṣṭo'vocathā yo hīmāni na
vidyāt kathaṃ so'nuśiṣṭo bruvīteti sa hāyastaḥ piturardhameyāya
taṃhovācānuśiṣya vāva kila mā bhagavānbravīdanu
tvāśiṣamiti
310.5
pañca mā rājanyabandhuḥ praśnānaprākṣītteṣāṃ
naikañcanāśakaṃ vivaktumiti sa hovāca yathā mā tvaṃ tadaitānavado
yathāhameṣāṃ naikañcana veda yadyahamimānavediṣyaṃ kathaṃ te
nāvakṣyamiti
310.6
sa ha gautamo rājño'rdhameyāya tasmai ha prāptāyārhāṃ
cakāra sa ha prātaḥ sabhāga udeyāya taṃhovāca mānuṣasya bhagavan
gautama vittasya varaṃ vṛṇīthā iti sa hovāca tavaiva rājanmānuṣaṃ vittaṃ
yāmeva kumārasyānte vācamabhāṣathāstāmeva me brūhīti sa ha kṛcchrī
babhūva
310.7
taṃha ciraṃ vasetyājñāpayāñcakāra taṃhovāca yathā mā tvaṃ
gautamāvado yatheyaṃ na prāktvattaḥ purā vidyā brāhmaṇānāgacchati tasmādu
sarveṣu lokeṣu kṣatrasyaiva praśāsanamabhūditi tasmai hovāca
Linked texts (13)
- Īśādiviṃśottaraśatopaniṣadaḥ — Sanskrit
- Chāndogyopaniṣad — Sanskrit
- Chāndogyadīpikā — Sanskrit
- Īśādidvādaśopaniṣadaḥ — Sanskrit
- Chāndogyopaniṣad C — Rāmānuja Yatirāj, Sanskrit
- Aṣṭottaraśatopaniṣadaḥ — Sanskrit
- Mantrapuṣpa — Sanskrit
- Aṣṭāviṃśatyupaniṣad — Sanskrit
- Īśādyupaniṣadaḥ — Sanskrit
- Different Upaniṣads — Sanskrit
- Chāndogyopaniṣatkhaṇḍārtha — Sanskrit
- Upaniṣads — Sanskrit
- Viṣayavākyadīpikā — Raṅgarāmānuja Muni 1550, Sanskrit