Pramāṇa · Search · About · API

Samavedabrahmananyashtau 313

Sāmavedabrāhmaṇānyaṣṭau 313

Language
Sanskrit

Contents

313.1

dvādaśaḥ khaṇḍaḥ
aupamanyava kaṃ tvamātmānamupāssa iti divameva bhagavo rājanniti hovācaiṣa vai sutejā ātmā vaiśvānaro yaṃ tvamātmānamupāsse tasmāttava sutaṃ prasutamāsutaṃ kule dṛśyate

313.2

atsyannaṃ paśyasi priyamatyannaṃ paśyati priyaṃ bhavatyasya brahmavarcasaṃ kule ya etamevamātmānaṃ vaiśvānaramupāste mūrdhā tveṣa ātmana iti hovāca mūrdhā te vyapatiṣyadyanmāṃ nāgamiṣya iti

313.1-2

trayodaśaḥ khaṇḍaḥ
atha hovāca satyayajñaṃ pauluṣiṃ prācīnayogyaṃ kaṃ tvamātmānamupāssa ityādityameva bhagavo rājanniti hovācaiṣa vai viśvarūpa ātmā vaiśvānaro yaṃ tvamātmānamupāsse tasmāttava bahu viśvarūpaṃ kule dṛśyate

313.2-2

pravṛtto'śvatarīratho dāsīniṣko'tsyannaṃ paśyasi priyamatyannaṃ paśyati priyaṃ bhavatyasya brahmavarcasaṃ kule ya etamevamātmānaṃ vaiśvānaramupāste cakṣuṣṭve tadātmāna iti hovācāndho'bhaviṣyo yanmāṃ nāgamiṣya iti

313.1-3

caturdaśaḥ khaṇḍaḥ
atha hovācendradyumnaṃ bhāllaveyaṃ vaiyāghrapadya kaṃ tvamātmānamupāssa iti vāyumeva bhagavo rājanniti hovācaiṣa vai pṛthagvartmātmā vaiśvānaro yaṃ tvamātmānamupāsse tasmāttvāṃ pṛthagbalaya āyanti pṛthakpṛthakśreṇayo'nuyanti

313.2-3

atsyannaṃ paśyasi priyamatsyannaṃ paśyati priyaṃ bhavatyasya brahmavarcasaṃ kule ya etamevamātmānaṃ vaiśvānaramupāste prāṇastveṣa ātmana iti hovāca prāṇasta udakamiṣyadyanmāṃ nāgamiṣya iti

313.1-4

pañcadaśaḥ khaṇḍaḥ
atha hovāca janaḥśārkarākṣya kaṃ tvamātmānamupāssa
ityākāśameva bhagavo rājanniti hovācaiṣa vai bahula ātmā vaiśvānaro
yaṃ tvamātmānamupāsse tasmāttvaṃ bahulo'si prajayā ca dhanena ca

313.2-4

atsyannaṃ paśyasi priyamattyannaṃ paśyati priyaṃ bhavatyasya brahmavarcasaṃ
kule ya etamevamātmānaṃ vaiśvānaramupāste saṃdehastveṣa ātmana iti
hovāca saṃdehaste vyaśīryadyanmāṃ nāgamiṣya iti

313.1-5

ṣoḍaśaḥ khaṇḍaḥ
atha hovāca buḍilamāśvataraściṃ vaiyāghrapadya kaṃ
tvamātmānamupāssa ityapa eva bhagavo rājanniti hovācaiṣa vai
rayirātmā vaiśvānaro yaṃ tvamātmānamupāsse tasmāttvaṃ
rayimānpuṣṭimānasi

313.2-5

atsyannaṃ paśyasi priyamattyannaṃ paśyati priyaṃ
bhavatyasya brahmavarcasaṃ kule ya etamevamātmānaṃ vaiśvānaramupāste
bastistveṣa ātmana iti hovāca bastiste vyabhetsyadyanmāṃ nāgamiṣya
iti

313.1-6

saptadaśaḥ khaṇḍaḥ
atha hovācoddālakamāruṇiṃ gautama kaṃ tvamātmānamupāssa iti
pṛthivīmeva bhagavo rājanniti hovācaiṣa vai pratiṣṭhātmā vaiśvānaro yaṃ
tvamātmānamupāsse tasmāttvaṃ pratiṣṭhito'si prajayā ca
paśubhiśca

313.2-6

atsyannaṃ paśyasi priyamattyannaṃ paśyati priyaṃ bhavatyasya
brahmavarcasaṃ kule ya etamevamātmānaṃ vaiśvānaramupāste pādau tvetāvātmana
iti hovāca pādau te vyamlāsyetāṃ yanmāṃ nāgamiṣya iti

313.1-7

aṣṭādaśaḥ khaṇḍaḥ
tānhovācaite vai khalu yūyaṃ pṛthagivemamātmānaṃ vaiśvānaraṃ
vidvāḥso'nnamattha yastvetamevaṃ prādeśamātramabhivimānamātmānaṃ
vaiśvānaramupāste sa sarveṣu lokeṣu sarveṣu bhūteṣu
sarveṣvātmasvannamatti

313.2-7

tasya ha vā etasyātmano vaiśvānarasya mūrdhaiva
sutejāścakṣurviśvarūpaḥ prāṇaḥ pṛthagvartmātmā saṃdeho bahulo bastireva
rayiḥ pṛthivyeva pādāvura eva vedirlomāni bahirhadayaṃ gārhapatyo
mano'nvāhāryapacana āsyamāhavanīyaḥ

313.1-8

ekonaviṃśaḥ khaṇḍaḥ
tadyaddhaktaṃ prathamamāgacchettaddhomīyaḥsa yāṃ prathamāmāhutiṃ juhuyāttāṃ
juhuyātprāṇāya svāheti prāṇastṛpyati

313.2-8

prāṇo tṛpyati
cakṣustṛpyati cakṣuṣi tṛpyatyādityastṛpyatyāditye tṛpyati dyaustṛpyati
divi tṛpyantyāṃ yatkiṃ ca dyauścādityaścādhi tiṣṭhatastattṛpyati
tasyānutṛptiṃ tṛpyati prajayā paśubhirannādyena tejasā
brahmavarcaseneti

313.1-9

viṃśaḥ khaṇḍaḥ
atha yāṃ dvitīyāṃ juhuyāttāṃ juhuyādvyānāya svāheti
vyānastṛpyati

313.2-9

vyāne tṛpyati śrotraṃ tṛpyati śrotre tṛpyati
candramāstṛpyati candramasi tṛpyati diśastṛpyanti dikṣu tṛpyantīṣu
yatkiṃ ca diśaśca candramāścādhitiṣṭhanti tattṛpyati tasyānu tṛptiṃ
tṛpyati prajayā paśubhirannādyena tejasā brahmavarcaseneti

313.1-10

ekaviṃśaḥ khaṇḍaḥ
atha yāṃ tṛtīyāṃ juhuyāttāṃ juhuyādapānāya
svāhetyapānastṛpyati

313.2-10

apāne tṛpyati vāktṛpyati vāci
tṛpyantyāmagnistṛpyatyagnau tṛpyati pṛthivī tṛpyati pṛthivyāṃ tṛpyantyāṃ
yatkiṃ ca pṛthivī cāgniścādhitiṣṭhatastattṛpyati tasyānu tṛptiṃ
tṛpyati prajayā paśubhirannādyena tejasā brahmavarcaseneti

313.1-11

drāviṃśaḥ khaṇḍaḥ
atha yāṃ caturthīṃ juhuyāttāṃ juhuyātsamānāya svāheti samānastṛpyati

313.2-11

samāne tṛpyati manastṛpyati manasi tṛpyati parjanyastṛpyati parjanye tṛpyati vidyuttṛpyati vidyuti tṛpyantyāṃ yatkiṃ ca vidyucca parjanyaścādhitiṣṭhatastattṛpyati tasyānu tṛptiṃ tṛpyati prajayā paśubhirannādyena tejasā brahmavarcaseneti

313.1-12

trayoviṃśaḥ khaṇḍaḥ
atha yāṃ pañcamīṃ juhuyāttāṃ juhuyādudānāya svāhetyudānastṛpyati

313.2-12

udāne tṛpyati tvaktṛpyati tvaci tṛpyantyāṃ vāyustṛpyati vāyau tṛpyatyākāśastṛpyatyākāśe tṛpyati yatkiṃ ca vāyuścākāśaścādhitiṣṭhatastattṛpyati tasyānu tṛptiṃ tṛpyati prajayā paśubhirannādyena tejasā brahmavarcaseneti

313.1-13

caturviṃśaḥ khaṇḍaḥ
sa ya idamavidvānagnihotraṃ juhoti yathāṅgārānapohya bhasmani juhuyāttādṛktatsyāt

313.2-13

atha ya etadevaṃ vidvānagnihotraṃ juhoti tasya sarveṣu lokeṣu sarveṣu bhūteṣu sarveṣvāratmasu hutaṃ bhavati

313.3

tadyatheṣīkātūlamagnau protaṃ pradūyetaivanhāsya sarve pāpmānaḥ pradūyante ya etadevaṃ vidvānagnihotraṃ juhoti

313.4

tasmādu haivaṃ vidyadyapi caṇḍālāyocchiṣṭaṃ prayacchedātmani haivāsya tadvaiśvānare hutaḥsyāditi tadeṣaślokaḥ

313.5

yatheha kṣudhitā bālā mātaraṃ paryupāsata evaḥsarvāṇi bhūtānyagnihotramupāsata ityagnihotramupāsata iti

313.5.p1

iti saptamaḥ prapāṭhakaḥ

Linked texts (14)