Samavedabrahmananyashtau 314
Sāmavedabrāhmaṇānyaṣṭau 314
- Language
- Sanskrit
314.1
aṣṭamaḥ prapāṭhakaḥ
prathamaḥ khaṇḍaḥ
śvetaketurhāruṇeya āsa taḥha pitovāca śvetaketo vasa brahmacaryam| na vai somyāsmatkulīno'nanūcya brahmabandhuriva bhavatīti
314.2
sa ha dvādaśavarṣa upetya caturviṃśativarṣaḥ sarvān vedānadhītya mahāmanā anūcānamānī stabdha eyāya| taḥha pitovāca śvetaketo yannu somyedaṃ mahāmanā anūcānamānī stabdho'syuta-tamādeśamaprākṣyaḥ
314.3
yenāśrutaḥśrutaṃ bhavatyamataṃ matamavijñātaṃ vijñātamiti| kathaṃ nu bhagavaḥ sa ādeśo bhavatīti
314.4
yathā somyaikena mṛtpiṇḍena sarvaṃ mṛnmayaṃ vijñātaḥsyādvācārambhaṇaṃ vikāro nāmadheyaṃ mṛttiketyeva satyam
314.5
yathā somyaikena lohamaṇinā sarvaṃ lohamayaṃ vijñātaḥsyādvācārambhaṇaṃ vikāro nāmadheyaṃ lohamityeva satyam
314.6
yathā somyaikena nakhanikṛntanena sarvaṃ kārṣṇāyasaṃ vijñātaḥsyād vācārambhaṇaṃ vikāro nāmadheyaṃ kṛṣṇāyasamityeva satyamevaḥsomya sa ādeśo bhavatīti
314.7
na vai nūnaṃ bhagavantasta etadavediṣuryaddhyetadavediṣyan kathaṃ me nāvakṣyanniti bhagavāḥstveva me tadbravītviti tathā somyeti hovāca
Linked texts (2)
- Chāndogyopaniṣad — Sanskrit
- Īśādidvādaśopaniṣadaḥ — Sanskrit