Samavedabrahmananyashtau 319
Sāmavedabrāhmaṇānyaṣṭau 319
- Language
- Sanskrit
Contents
- 319.3-8 — 1 part
319.1
yathā somya madhu madhukṛto nistiṣṭhanti nānātyayānāṃ vṛkṣāṇāṃrasānsamavahāramekatāṃrasaṃ gamayanti
319.2
te tathā tatra na vivekaṃ labhante'muṣyāhaṃ vṛkṣasya raso'smyamuṣyāhaṃ vṛkṣasya raso'smītyeva khalu somyemāḥ sarvāḥ prajāḥ sati sampadya na viduḥ sati sampadyāmahaṃ iti
319.3
ta iha vyāghro vā siṃho vā vṛko vā varāho vā kīṭo vā pataṅgo vā daṃśo vā maśako vā yadyadbhavanti tadā bhavanti
319.4
sa ya eṣo'ṇimaitadātmyamidaṃ sarvaṃ tatsatyaṃ sa ātmā tattvamasi śvetaketo iti bhūya eva mā bhagavānvijñāpayatviti tathā somyeti hovāca
319.1-2
daśamaḥ khaṇḍaḥ
imāḥ somya nadyaḥ purastātprācyaḥ syandante paścātpratīcyastāḥ
samudrātsamudramevāpiyanti sa samudra eva bhavati tā yathā tatra na
viduriyamahamasmīyamahamasmīti
319.2-2
evameva khalu somyemāḥ sarvāḥ
prajāḥ sata āgamya na viduḥ sata āgacchāmaha iti ta iha vyāghro vā
sim̐ho vā vṛko vā varāho vā kīṭo vā pataṅgo vā dam̐śo vā
maśako vā yadyadbhavanti tadābhavanti
319.3-2
sa ya eṣo'ṇimaitadātmyamidam̐ sarvaṃ tatsatyam̐sa ātmā tattvamasi śvetaketo iti bhūya
eva mā bhagavānvijñāpayatviti tathā somyeti hovāca
319.1-3
ekādaśaḥ khaṇḍaḥ
asya somya mahato vṛkṣasya yo mūle'bhyāhanyājjīvantravedyo
madhye'bhyāhanyājjīvantravedyā'gre'bhyāhanyājjīvantravetsa eṣa
jīvenātmanānuprabhūtaḥ pepīyamāno modamānastiṣṭhati
319.2-3
asya
yadekām̐śākhāṃ jīvo jahātyatha sā śuṣyati dvitīyāṃ jahātyatha sā
śuṣyati tṛtīyāṃ jahātyatha sā śuṣyati sarvaṃ jahāti sarvaḥ
śuṣyati
319.3-3
evameva khalu somya viddhīti hovāca jīvāpetaṃ vāva
kiledaṃ mriyate na jīvo mriyata iti sa ya eṣo'ṇimaitadātmyamidam̐ sarvaṃ tatsatyam̐sa ātmā tattvamasi śvetaketo iti bhūya
eva mā bhagavānvijñāpayatviti tathā somyeti hovāca
319.1-4
dvādaśaḥ khaṇḍaḥ
nyagrodhaphalamata āharetīdaṃ bhagava iti bhindvīti bhinnaṃ bhagava
iti kimatra paśyasītyaṇvya ivemā dhānā bhagava ityāsāmekāṃ
bhindvīti bhinnā bhagava iti kimatra paśyasīti na kiñcana bhagava
iti
319.2-4
tam̐hovāca yaṃ vai somyaitamaṇimānaṃ na nibhālayasa etasya vai
somyaiṣo'ṇimna evaṃ mahānyagrodhastiṣṭhati śraddhatsva somyeti
319.3-4
sa
ya eṣo'ṇimaitadātmyamidam̐sarvaṃ tatsatyam̐sa ātmā tattvamasi
śvetaketo iti bhūya eva mā bhagavān vijñāpayatviti tathā somyeti
hovāca
319.1-5
trayodaśaḥ khaṇḍaḥ
lavaṇametadudake'vadhāyātha mā prātarupasīdathā iti sa ha tathā
cakāra tam̐hovāca yaddoṣā lavaṇamudake'vādhā aṅga tadāhareti
taddhāvamṛśya na viveda
319.2-5
yathā vilīnamevāṅgāsyāntādācāmeti
kathamiti lavaṇamiti madhyādācāmeti kathamiti
lavaṇamityantādācāmeti kathamiti lavaṇamityabhiprāsyaitadathamopasīdathā iti taddha tathā cakāra tacchaśvatsaṃvartate tam̐hovācātra
vāva kila satsomya na nibhālayase'traiva kileti
319.3-5
sa ya
eṣo'ṇimaitadātmyamidam̐sarvaṃ tatsatyam̐sa ātmā tattvamasi śvetaketo
iti bhūya eva mā bhagavān vijñāpayatviti tathā somyeti
hovāca
319.1-6
caturdaśaḥ khaṇḍaḥ
yathā somya puruṣaṃ gandhārebhyo'bhinaddhākṣamānīya taṃ tato'tijane
visṛjetsa yathā tatra prāṅ vodaṅ vādharāṅ vā pratyaṅ vā
pradhmāyītābhinaddhākṣa ānīto'bhinaddhākṣo visṛṣṭaḥ
319.2-6
tasya
yathābhinahanaṃ pramucya prabrūyādetāṃ diśaṃ gandhārā etāṃ diśaṃ vrajeti sa
grāmādgrāmaṃ pṛcchan paṇḍito medhāvī gandhārānevopasaṃpadye
taivamevehācāryavān puruṣo veda tasya tāvadeva ciraṃ yāvanna
vimokṣye'tha sampatsya iti
319.3-6
sa ya eṣo'ṇimaitadātmyamidam̐sarvaṃ
tatsatyam̐sa ātmā tattvamasi śvetaketo iti bhūya eva mā bhagavān
vijñāpayatviti tathā somyeti hovāca
319.1-7
pañcadaśaḥ khaṇḍaḥ
puruṣaḥ somyautopatāpinaṃ jñātayaḥ paryupāsate jānāsi māṃ jānāsi māmiti| tasya yāvanna vāṅmanasi saṃpadyate manaḥ prāṇe prāṇastejasi tejaḥ parasyāṃ devatāyāṃ tāvajjānāti
319.2-7
atha yadāsya vāṅmanasi saṃpadyate manaḥ prāṇe prāṇastejasi tejaḥ parasyāṃ devatāyāmatha na jānāti
319.3-7
sa ya eṣo'ṇimaitadātmyamidaṃsarvaṃ tatsatyaṃsa ātmā tattvamasi śvetaketo iti bhūya eva mā bhagavān vijñāpayatviti tathā somyeti hovāca
319.1-8
ṣoḍaśaḥ khaṇḍaḥ
puruṣaḥ somyota hastagṛhītamānantyapahārṣītsteyamakārṣītparaśumasmai tapateti sa yadi tasya kartā bhavati tata evānṛtāmātmānaṃ kurute so'nṛtābhisantho'nṛtenātmānamantardhāya paraśuṃ taptaṃ pratigṛhṇāti sa dahyate'tha hanyate
319.2-8
atha yadi tasyākartā bhavati tata eva satyamātmānaṃ kurute sa satyābhisandhaḥ satyenātmānamantardhāya paraśuṃ taptaṃ pratigṛhṇāti sa na dahyate'tha mucyate
319.3-8
sa yathā tatra nādāhetaitadātmyamidaṃsarvaṃ tatsatyaṃsa ātmā tattvamasi śvetaketo iti taddhāsya vijajñāviti vijajñāviti
319.3-8.p1
iti aṣṭamaḥ prapāṭhakaḥ
Linked texts (3)
- Īśādidvādaśopaniṣadaḥ — Sanskrit
- Chāndogyadīpikā — Sanskrit
- Mantrapuṣpa — Sanskrit