Samavedabrahmananyashtau 32

Sāmavedabrāhmaṇānyaṣṭau 32

Language: Sanskrit

32.1

ṣaṣṭha: khaṇḍa:
sarve sahartvijo mahāvratena stuvīran

32.2

adhvaryuḥ
śirasodgāyenmaitrāvaruṇo dakṣiṇena pakṣeṇa brāhmaṇācchaṃsyuttareṇa gṛhapatiḥ
pucchenodgātātmanā

32.3

tadyathaivaṃ kuryurekaikayā stotrīyayā'stutayodgātāramabhisameyuḥ

tisṛbhirudgātā''tmana udgīyātha yā śirasaḥ
stotrīyā tāṃ dadhyādaparābhistisṛbhirudgīyātha yā dakṣiṇasya pakṣasya
stotrīyā tāndadhyādaparābhistisṛbhirudgīyātha yottarasya pakṣasya stotrīyā
tāndadhyāttisṛbhirvaikayā vā stutaḥsyādatha yā pucchasya stotrīyā
tāndadhyāt

32.5

ātmanyeva tadajñāni pratidadhati svargasya lokasya
samaṣṭyai

32.6

atho khalvāhuḥ kathamadhvaryurbahvṛca: sāma
gāyedityudgātaiva sarveṇodgāyettadeva samṛddhaḥsamṛddhāveva pratitiṣṭhanti

32.7

havirddhāne śirasā stutvā saṃrabdhā: pratyañca eyuste
dakṣiṇena dhiṣṇyān parītya paścānmaitrāvaruṇasya dhiṣṇyasyopaviśya
rathantareṇa pañcadaśena stuvīraṃsta udañca: saṃsarpeyurjaghanena hoturdhiṣṇyaṃ
paścādbrāhmaṇācchaṃsino dhiṣṇyasyopaviśya bṛhatā saptadaśena
stuvīraṃste yenaiva prasarpeyustena punarniḥ sṛpyottareṇāgnīdhraṃ parītya
paścādgārhapatyasyopaviśya pucchenaikaviṃśena stuvīraṃste yenaiva
niḥsarpeyuste punaḥ prasṛpya yathāyatanamupaviśyāsandīmāruhyodgātātmanodgāyati

32.8

taṃ patnyo'paghāṭilābhirupagāyantyārtvijyameva tatpatnyaḥ kurvanti
saha svargam̐lloka mayāmeti

32.9

kule kule'nnaṃ kriyate tadyatpṛccheyuḥ
kimidaṃ kurvantītīme yajamānā annamatsyantīti brūyuḥ

32.10

yo vai dīkṣitānāṃ pāpaṃ kīrttayati tṛtīyameṣām̐sa pāpmanoharatyannādastṛtīyaṃ
pipīlikāstṛtīyam

32.11

parimāddhiśvaranti tvakca vā etalloma
ca mahāvratasya yat parimādastvacaścaiva talloma ca mahāvratasyāptvāvarundhate

32.12

vāṇaṃ vitanvantyanto vai vāṇo'nto mahāvratamantenaiva
tadantamabhivādayanti

32.13

śatatantrīko bhavati śatāyurvai puruṣaḥ
śatavīryyaḥ

32.14

tamullikhetprāṇāya tvā'pānāya tvā vyānāya
tveti prāṇāpānavyānāneva tadāptvā'varundhate

32.15

parikumbhinyo
mājjālīyaṃ 'yantīdaṃ madhvidamamadhvi'ti saghoṣā eva tadvayo bhūtvā
saha svargam̐llokaṃ yanti

Linked texts (1)

Baudhāyanaśrautasūtra — Baudhāyana, Sanskrit