Samavedabrahmananyashtau 320
Sāmavedabrāhmaṇānyaṣṭau 320
- Language
- Sanskrit
320.1
oṃ adhīhi bhagava iti hopasasāda sanatkumāraṃ nāradastaḥhovāca yadvettha tena nopasīda tatasta ūrdhvaṃ vakṣyāmīti sa hovāca
320.2
ṛgvedaṃ bhagavo'dhyemi yajurvedaḥsāmavedamātharvaṇaṃ caturthamitihāsapurāṇaṃ pañcamaṃ vedānāṃ vedaṃ pitryaḥrāśiṃ daivaṃ nidhiṃ vākovākyamekāyanaṃ devavidyāṃ brahmavidyāṃ bhūtavidyāṃ kṣatravidyāṃ nakṣatravidyāṃ sarpadevajanavidyāmetadbhagavo'dhyemi
320.3
so'haṃ bhagavo mantra videvāsmi nātmavicchutaḥhova me bhagavaddṛśebhyastarati śokamātmaviditi so'haṃ bhagavaḥ śocāmi taṃ mā bhagavāñchokasya pāraṃ tārayatviti taḥhovāca yadvai kiṃñcaitadadhyagīṣṭhā nāmaivaitat
320.4
nāma vā ṛgvedo yajurvedaḥ sāmaveda ātharvaṇaścaturtha itihāsapurāṇaḥ pañcamo vedānāṃ vedaḥ pitryo rāśirdaivo nidhirvākovākyamekāyanaṃ devavidyā brahmavidyā bhūtavidyā kṣatravidyā nakṣatravidyayā sarpadevajanavidyāyā nāmaivaitannāmopāsveti
320.5
sa yo nāma brahmetyupāste yāvannāmno gataṃ tatrāsya yathā kāmacāro bhavati yo nāma brahmetyupāste'sti bhagavo nāmno bhūya iti nāmno vāva bhūyo'stīti tanme bhagavānbravītviti