Samavedabrahmananyashtau 323
Sāmavedabrāhmaṇānyaṣṭau 323
- Language
- Sanskrit
323.1
dvitīyaḥ khaṇḍaḥ:
sa yadi pitṛlokakāmo bhavati saṅkalpādevāsya pitaraḥ samuttiṣṭhanti tena pitṛlokena saṃpanno mahīyate
323.2
atha yadi mātṛlokakāmo bhavati saṅkalpādevāsya mātaraḥ
samuttiṣṭhanti tena mātṛlokena saṃpanno mahīyate
323.3
atha yadi
bhrātṛlokakāmo bhavati saṅkalpādevāsya bhrātaraḥ samuttiṣṭhanti tena
bhrātṛlokena saṃpanno mahīyate
323.4
atha yadi svasṛlokakāmo bhavati
saṅkalpādevāsya svasāraḥ samuttiṣṭhanti tena svasṛlokena saṃpanno
mahīyate
323.5
atha yadi sakhilokakāmo bhavati saṅkalpādevāsya
sakhāyaḥ samuttiṣṭhanti tena sakhilokena saṃpanno mahīyate
323.6
atha
yadi gandhamālyalokakāmo bhavati saṅkalpādevāsya gandhamālye
samuttiṣṭhatastena gandhamālyalokena saṃpanno mahīyate
323.7
atha
yadannapānalokakāmo bhavati saṅkalpādevāsyānnapāne samuttiṣṭhatastenānnapānalokena saṃpanno mahīyate
323.8
atha yadi
gītavāditralokakāmo bhavati saṅkalpādevāsya gītavāditre
samuttiṣṭhatastena gītavāditralokena saṃpanno mahīyate
323.9
atha yadi
strīlokakāmo bhavati saṅkalpādevāsya striyaḥ samuttiṣṭhanti tena
strīlokena saṃpanno mahīyate
323.10
yaṃ yamantamabhikāmo bhavati yaṃ kāmaṃ
kāmayate so'sya saṅkalpādeva samuttiṣṭhati tena saṃpanno
mahīyate
Linked texts (5)
- Mantrapuṣpa — Sanskrit
- Aṣṭāviṃśatyupaniṣad — Sanskrit
- Chāndogyadīpikā — Sanskrit
- Chāndogyopaniṣatkhaṇḍārtha — Sanskrit
- Chāndogyopaniṣad C — Rāmānuja Yatirāj, Sanskrit