Samavedabrahmananyashtau 324
Sāmavedabrāhmaṇānyaṣṭau 324
- Language
- Sanskrit
324.1
tṛtīyaḥ khaṇḍaḥ
ta ime satyāḥ kāmā anṛtāpidhānāsteṣāḥsatyānāḥ
satāmanṛtamapidhānaṃ yo yo hyasyetaḥ praiti na tamiha darśanāya
labhate
324.2
atha ye cāsyeha jīvā ye ca pretā yaccānyadicchanna labhate
sarvaṃ tadatra gatvā vindate'tra hyāsyaite satyāḥ kāmā
anṛtāpidhānāstadyathāpi hiraṇyanidhiṃ nihitamakṣetrajñā uparyupari
sañcaranto na vindeyurevamevemāḥ sarvāḥ prajā aharahargacchantya etaṃ
brahmalokaṃ na vindantyanṛtena hi pratyūḍhāḥ
324.3
sa vā eṣa ātmā hṛdi tasyaitadeva niruktaṃhṛdyamiti
tasmāddhṛdayamaharaharvā evaṃ vitsvargaṃ lokametiḥ
324.4
atha ya eṣa
saṃprasādo'smāccharīrātsamutthāya paraṃ jyotirupasaṃpadya svena
rūpeṇābhiniṣpadyata eṣa ātmeti hovācaitadamṛtamabhayametadbrahmeti
tasya ha vā etasya brahmaṇo nāma satyamiti
324.5
tāni ha vā etāni
trīṇyakṣarāṇi satīyamiti tadyatsattadamṛtamatha yatti tanmartyamatha yadyaṃ
tenobhe yacchati yadanenobhe yacchati tasmādyamaharaharvā evaṃ vitsvargaṃ
lokameti