Samavedabrahmananyashtau 327
Sāmavedabrāhmaṇānyaṣṭau 327
- Language
- Sanskrit
327.1
navamaḥ khaṇḍaḥ
atha hendro'prāpyaiva devānetadvayaṃ dadarśa yathaiva
khalvayamasmiñcharīre sādhvalaṅkṛte sādhvalaṅkṛto bhavati suvasane
suvasanaḥ pariṣkṛte pariṣkṛta evamevāyamasminnandhe'ndho bhavati strāme
strāmaḥ parivṛkṇe parivṛkṇo'syaiva śarīrasya nāśamanveṣa
naśyati
327.2
nāhamatra bhogyaṃ paśyāmīti sa samitpāṇiḥ punareyāya
taḥ ha prajāpatiruvāca maghavanyacchāntahṛdayaḥ prāvrājīḥ sārdhaṃ
virocanena kimicchan punarāgamaṃ iti sa hovāca yathaiva khalvayaṃ
bhagavo'smiñcharīre sādhvalaṅkṛte sādhvalaṅkṛto bhavati suvasane
suvasanaḥ pariṣkṛte pariṣkṛta evamevāyamasminnandhe'ndho bhavati strāme
strāmaḥ parivṛkṇe parivṛkṇo'syaiva śarīrasya nāśamanveṣa naśyati
nāhamatra bhogyaṃ paśyāmīti
327.3
evamevaiṣa maghavanniti hovācaitaṃ tveva
te bhūyo'nuvyākhyāsyāmi vasāparāṇi dvātriṃśataṃ varṣāṇīti sa
hāparāṇi dvātriṃśataṃ varṣāṇyuvāsa tasmai hovāca
327.1-2
daśamaḥ khaṇḍaḥ
ya eṣa svapne mahīyamānaścaratyeṣa ātmeti hovācaitatadamṛtamabhayametadbrahmeti sa ha śāntahṛdayaḥ pravavrāja sa hāprāpyaiva
devānetadvayaṃ dadarśa tadyadyapīdaṃśarīramandhaṃ bhavatyanandhaḥ sa bhavati
yadi srāmamamasrāmo naivaiṣo'sya doṣeṇa duṣyati
327.2-2
na vadhenāsya hanyate
nāsya srāmyeṇa srāmo ghnanti tvevainaṃ vicchādayantīvāpriyavetteva
bhavatyapi roditīva nāhamatra bhogyaṃ paśyāmīti
327.3-2
sa samitpāṇiḥ
punareyāya tam̐ha prajāpatiruvāca maghavanyacchāntahṛdayaḥ prāvrājīḥ
kimicchan punarāgama iti sa hovāca tadyadyapīdaṃ bhagavaḥ śarīramandhaṃ
bhavatyanandhaḥ sa bhavati yadi srāmamamasrāmo naivaiṣo'sya doṣaṇa
duṣyati
327.4
na vadhenāsya hanyate nāsya srāmyeṇa srāmo ghnanti tvevainaṃ
vicchādayantīvāpriyavetteva bhavatyapi roditīva nāhamatra bhogyaṃ
paśyāmītyevamevaiṣa maghavanniti hovācaitaṃ tveva te
bhūyo'nuvyākhyāsyāmi vasāparāṇi dvātrim̐śataṃ varṣāṇīti sa
hāparāṇi dvātrim̐śataṃ varṣāṇyuvāsa tasmai hovāca
327.1-3
ekādaśaḥ khaṇḍaḥ
tadyatraitat suptaḥ samastaḥ saṃprasannaḥ svapnaṃ na vijānātyeṣa
ātmeti hovācaitadamṛtamabhayametadbrahmeti sa ha śāntahṛdayaḥ pravavrāja
sa hāprāpyaiva devānetadvayaṃ dadarśa nāha khalvayamevam̐saṃpratyātmānaṃ
jānātyayamahamasmīti no evemāni bhūtāni vināśamevāpīto bhavati
nāhamatra bhogyaṃ paśyāmīti
327.2-3
sa samitpāṇiḥ punareyāya tam̐ha
prajāpatiruvāca maghavanyacchāntahṛdayaḥ prāvrājīḥ kimicchan
punarāgama iti sa hovāca nāha khalvayaṃ bhagava evam̐saṃpratyātmānaṃ
jānātyayamahamasmīti no evemāni bhūtāni vināśamevāpīto bhavati
nāhamatra bhogyaṃ paśyāmīti
327.3-3
evamevaiṣa maghavanniti hovācaitaṃ tveva te bhūyo'nuvyākhyāsyāmi no evānyatraitasmādvasāparāṇi pañca varṣāṇīti sa hāparāṇi pañca varṣāṇyuvāsa tānyekaśataḥ saṃpeduretattadyadāhurekaśataḥha vai varṣāṇi maghavān prajāpatau brahmacaryamuvāsa tasmai hovāca
327.1-4
dvādaśaḥ khaṇḍaḥ
maghavanmartyaṃ vā idaṃ śarīramāttaṃ mṛtyunā tadasyāmṛtasyā-śarīrasyātmano'dhiṣṭhānamātto vai saśarīraḥ priyāpriyābhyāṃ na ha vai saśarīrasya sataḥ priyāpriyayorapahatirastyaśarīraṃ vāva santaṃ na priyāpriye spṛśataḥ
327.2-4
aśarīro vāyurabhraṃ vidyut stanayituraśarīrāṇyetāni tadyathaitānyamuṣmādākāśātsamutthāya paraṃ jyotirupasaṃpadya svena rupeṇābhiniṣpadyante
327.3-4
evamevaiṣa saṃprasādo'smāccharīrātsamutthāya paraṃ jyotirupasaṃpadya svena rupeṇābhiniṣpadyate sa uttamapuruṣaḥ sa tatra paryeti jakṣatkrīḍanramamāṇaḥ strībhirvā yānairvā jñātibhirvā nopajanaḥsmarannidaḥśarīraḥsa yathā prayogya ācaraṇe yukta evamevāyamasmiñcharīre prāṇo yuktaḥ
327.4-2
atha yatraitadākāśamanuviṣaṇṇaṃ cakṣuḥ sa cākṣuṣaḥ puruṣo darśanāya cakṣuratha yo vededaṃ jighrāṇīti sa ātmā ganghāya ghrāṇamatha yo vededamabhivyāharāṇīti sa ātmābhivyāharāya vāgatha yo vededaḥ śṛṇavānīti sa ātmā śravaṇāya śrotram
327.5
atha yo vededaṃ manvānīti sa ātmā mano'sya daivaṃ cakṣuḥ savā eṣa etena daivena cakṣuṣā manasaitānkāmānyaśyanramate
327.6
ya ete brahmaloke taṃ vā etaṃ devā ātmānamupāsate tasmātteṣāḥsarve ca lokā āttāḥ sarve ca kāmāḥ sa sarvāṃśca lokānāpnoti sarvāṃśca kāmānyastamātmāna-manuvidya vijānātīti ha prajāpatiruvāca prajāpatiruvāca
Linked texts (2)
- Īśādidvādaśopaniṣadaḥ — Sanskrit
- Different Upaniṣads — Sanskrit