Samavedabrahmananyashtau 34
Sāmavedabrāhmaṇānyaṣṭau 34
- Language
- Sanskrit
34.1
ye vai vācamannamādayantyannādā bhavanti ye vitarṣayanti rūkṣā
bhavanti
34.2
gaurīvitaḥśyāvāśvannihava etāni vai sāmāni
vāco'nnameteṣāṃ vāgannaṃ yadetāni na cyavante vācameva tadannamādayanti
tena sarvve'nnādā bhavanti
34.3
abhikrāntāpakrāntāni bhavantyabhikrāntāpakrāntaṃ vai vāco rūpam
34.4
plavo'nvahaṃ bhavati
34.5
samudraṃ vā ete prasnānti ye saṃvatsaramupayanti yo vā aplavaḥ
samudraṃ prasnāti na sa tata udeti yatplavo bhavati svargasya lokasya
samaṣṭyai
34.6
ati viśvāni duritā taremeti yadevaiṣāṃ duṣṭutaṃ
duḥśastaṃ tadetena taranti
34.7
okonidhanaḥṣaḍahamukhe bhavati
34.8
parāṃ vā ete parāvataṃ gacchanti ye ṣaḍahasyāntaṃ gacchanti
yadokonidhanaḥṣaḍahamukhe bhavati prajñātyai
34.9
yadā vai puruṣaḥ
svamoka āgacchati sarvaṃ tarhi prajānāti sarvamasmai divā
bhavati