Pramāṇa · Search · About · API

Samavedabrahmananyashtau 35

Sāmavedabrāhmaṇānyaṣṭau 35

Language
Sanskrit

35.1

navamaḥ khaṇḍaḥ
ekāṣṭakāyāṃ dīkṣeran

35.2

eṣā vai saṃvatsarasya patnī yadekāṣṭakaitasyāṃ vā gatāṃ rātriṃ vasati sākṣādeva tat saṃvatsaramārabhya dīkṣante

35.3

tasya sānirtyā yadapo'nabhinandanto'bhyavayanti

35.4

vicchinnaṃ vā ete saṃvatsarasyābhidīkṣante ya ekāṣṭakāyāṃ dīkṣante'ntanāmānāvṛtū bhavataḥ

35.5

ārttaṃ vā ete saṃvatsarasyābhidīkṣante ye'ntanāmānāvṛtū abhidīkṣante

35.6

tasmādekāṣṭakāyānnaṃ dīkṣyam

35.7

phālgune dīkṣeran

35.8

mukhaṃ vā etatsaṃvatsarasya yat phālguno mukhata eva tatsaṃvatsaramārabhya dīkṣante

35.9

tasya sānirtyā yatsammeghe viṣuvān sampadyate

35.10

citrāpūrṇamāse dīkṣeran

35.11

cakṣurvā etatsaṃvatsarasya yaccitrāpūrṇamāso mukhato vai cakṣurmukhata eva tatsaṃvatsaramārabhya dīkṣante tasya na niryāsti

35.12

caturahe purastāt paurṇamāsyā dīkṣeran

35.13

teṣāmekāṣṭakāyāṃ krayaḥ sampadyate tenaikāṣṭakānna saṃvat kurvanti

35.14

teṣāṃ pūrvapakṣe sutyā sampadyate pūrvapakṣe māsāḥ santiṣṭhamānā yanti pūrvapakṣa uttiṣṭhanti tānuttiṣṭhataḥ paśava oṣadhayo'nuttiṣṭhanti tānkalyāṇī vāgabhivadatyarātsurime satriṇa iti te rādhnuvanti

Linked texts (4)