Samavedabrahmananyashtau 37
Sāmavedabrāhmaṇānyaṣṭau 37
- Language
- Sanskrit
37.1
prajāpatirakāmayata bahu syāṃ prajāyeyeti sa etamagniṣṭomamapaśyattamāharattenemāḥ prajā asṛjat
37.2
ekādaśena ca vai satā
stotreṇāgniṣṭomasyāsṛjataikādaśena ca māsā saṃvatsarasya tā dvādaśena
ca stotreṇāgniṣṭomasya paryyagṛhaṇāt dvādaśena ca māsā
saṃvatsarasya
37.3
tasmātprajā daśamāso garbhaṃ bhṛtvaikādaśamanu
prajāyante tasmātdvādaśānyābhyatiharanti dvādaśena hi parigṛhītāstadya
evaṃ veda parijātā: prajā gṛhaṇāti prajātā janayanti
37.4
tāsāṃ
parigṛhītānāmaśvataryyatpakrāmattasyā anuhāya reta ādatta tadvaḍavāyānyamāḍyasamādvaḍavādviretāstasmādaśvataryya prajā āttaretā hi
37.5
tasmādvadakṣiṇīyāti hi sā yajñamaricyatātiriktasya dakṣiṇā
syātsalomatvāya ṣoḍaśina: stotre deyā'tirikto vai ṣoḍaśyatirikta
evātiriktāṃ dadāti
37.6
so'kāmayata yajñaṃsṛjeyeti sa mukhata
eva trivṛtamasṛjata taṃ gāyatrīcchando'nvasṛjyatāgnirdevatā brāhmaṇo
manuṣyo vasanta ṛtustasmāttrivṛt stomānāṃ mukhaṃ gāyatrī
chandasāmagnirdevatānāṃ brāhmaṇo manuṣyāṇāṃ vasanta ṛtūnāṃ tasmādbrāhmaṇo
mukhena vīryyaṅkaroti mukhato hi sṛṣṭaḥ
37.7
karoti mukhena vīryyaṃ
ya evaṃ veda
37.8
sa urasta eva bāhubhyāṃ pañcadaśamasṛjata taṃ
triṣṭupchando'nvasṛjyatendro devatā rājanyo manuṣyo grīṣma
ṛtustasmādājanyasya pañcadaśa stomastriṣṭupchanda indrodevatā grīṣma
ṛtustasmādu bāhuvīryyo bāhubhyāñhi sṛṣṭaḥ
37.9
karoti bāhubhyāṃ vīryaṃ ya evaṃ veda
37.10
sa madhyata eva
prajananātsaptadaśamasṛjata tañjagatīcchando'nvasṛjyata viśve devā devatā
vaiśyomanuṣyo varṣā ṛtustasmādvaiśyo'dyamāno na kṣīyate prajananāddhi
sṛṣṭastasmādu bahu paśurvaiśvadevo hi jāgato varṣā hyasyartustasmādbrāhmaṇasya ca rājanyasya cādyo'dharo hi sṛṣṭaḥ
37.11
sa patta eva
pratiṣṭhāyā ekaviṃśamasṛjata tamanuṣṭupchando'nvasṛjyata na kācana
devatā śūdro manuṣyastasmācchūdra uta bahupaśurayajñiyo videvo hi na
hi taṃ kācana devatānvasṛjyata tasmātpādāvanejyannāti varddhate patto
hi sṛṣṭastasmādekaviṃśastomānāṃ pratiṣṭhā pratiṣṭhāyā hi
sṛṣṭastasmādanuṣṭubhaṃ chandāṃsi nānu vyūhanti
37.12
pāpavasīyaso
vidhṛtyai
37.13
vidhūtiḥ pāpavasīyaso bhavati ya evaṃ veda