Samavedabrahmananyashtau 39
Sāmavedabrāhmaṇānyaṣṭau 39
- Language
- Sanskrit
39.1
tṛtīyaḥ khaṇḍaḥ
eṣa vāva yajño yadagniṣṭomaḥ
39.2
ekasmā anyo yajñaḥ
kāmāyāhviyate sarvebhyo'gniṣṭomaḥ
39.3
dvādaśastotrāṇyagniṣṭomo
dvādaśamāsāḥ saṃvatsaraḥ saṃvatsaraṃ paśavo'nu prajāyante tena paśavyaḥ
samṛddhaḥ
39.4
dvādaśa stotrāṇi dvādaśa śastrāṇi
taccaturvim̐śatiścaturvim̐śatirarddhamāsāḥ saṃvatsaraḥ saṃvatsaraṃ paśavo'nu
prajāyante tena paśavyaḥ samṛddhaḥ
39.5
agnau stotramagnau śastraṃ
pratitiṣṭhati tena brahmavarccasyaḥ
39.6
kiṃ jyotiṣṭomasya
jyotiṣṭomatvamityāhurvirājaḥsaṃstutaḥ sampadyate virāḍvai chandasāṃ
jyotiḥ
39.7
jyotiḥ samānānāṃ bhavati ya evaṃ veda
39.8
jyeṣṭhayajño vā eṣa yadagniṣṭomaḥ
39.9
prajāpatiḥ prajā asṛjata
tā asmai śraiṣṭhyāya nātiṣṭhanta sa etamagniṣṭomamapaśyattamāharattato'smai
prajāḥ śraiṣṭhyāyātiṣṭhanta
39.10
tiṣṭhante'smai samānāḥ śraiṣṭhyāya ya
evaṃ veda
39.11
yattvityāhurgāyatraṃ prātaḥsavanaṃ traiṣṭubhaṃ mādhyandinam̐savanañcāgataṃ tṛtīyasavanaṃ kva tarhi turīyaṃ chando'nuṣṭubiti
39.12
chandasāṃ vā anvavaluptiṃ yajamāno'nvavalupyate
39.13
aṣṭākṣarā
gāyatrī hiṅkāro navama ekādaśākṣarā triṣṭubdvādaśākṣarā jagatī
chandobhirevānuṣṭubhamāpnoti yajamānasyānavalopāya
39.14
yo vā
anuṣṭubhaḥsarvatrāpiṃ savanānyanvāyattāṃ veda sarvatrāsyāpi bhavatyeṣā
vā anuṣṭup sarvatrāpiḥ savanānyanvāyattā tadya evaṃ veda sarvatrāsyāpi
bhavati
39.15
yadvai rājāno'dhvānaṃ dhāvayanti ye'śvānāṃ
vīryyavattamāstānyuñjate trivṛtpañcadaśaḥ saptadaśa ekavim̐śa ete vai
stomānāṃ vīryyavattamāstānevayuñkte svargasya lokasya samaṣṭyai
39.16
catuṣṭomo bhavati pratiṣṭhā vai catuṣṭomaḥ pratiṣṭhityai
Linked texts (1)
- Mādhyandina — Sanskrit