Samavedabrahmananyashtau 40

Sāmavedabrāhmaṇānyaṣṭau 40

Language: Sanskrit

40.1

caturthaḥ khaṇḍaḥ
prajāpatirdevebhya ūrjaṃ vyabhajattata udumbaraḥ samabhavatprājāpatyo vā udumbaraḥ prājāpatya udgātā yadudgātaudumbarīṃ prathamena karmaṇānvārabhate svayaiva taddevatayātmānamārtvijyāya vṛṇīte

40.2

tāmucchrayati 'dyutānastvā māruta ucchrayatūrdivaḥstabhānāntarikṣaṃ pṛṇa dṛm̐ha pṛthivīm'

40.3

tāmanvārabhata 'āyoṣṭvā sadane sādayāmyava-taśchāyāyām̐samudrasya hṛdaya' iti

40.4

yajño vā āyustasya tatsadanaṃ kriyate

40.5

yajño vā avati tasya sā cchāvā kriyate

40.6

madhyato vā ātmano hṛdayantasyānmadhye sadasa audumbarī mīyate

40.7

'namaḥ samudrāya namaḥ samudrasya cakṣusa' ityāha vāgvai samudro manaḥ samudrasya cakṣustābhyāmeva tannamaskaroti

40.8

'māmā yūnarvāhāsīdi'tyāha sāma vai yūnarvā sāmna eva tannamaskarotyārtvijyaṃ kariṣyan

40.9

yo vā evaṃ sāmne namaskṛtya sāmnārtvijyaṃ karoti na sāmno hīyate nainaṃ sāmāpahate

40.10

ya enamanuvyāharati sa ārtimārcchati

40.11

'ūrgsyūrjodā ūrjaṃ me dehūrjaṃ me dhehyannaṃ me dehyannaṃ me dhehi' prajāpatervā etadudaraṃ yatsada ūrgudumbaro yadaudumbarī madhye sadasomīyate madhyata eva tatprajābhyo'nnamūrjandadhāti

40.12

tasmādyatraiṣā yātayāmā kriyate tat prajā aśanāyavo bhavanti

40.13

sāma devānāmannam̐sāmanyeva taddevebhyo'nna ūrjandadhāti sa eva tadūrjaṃ śritaḥ prajābhya ūrjaṃ vibhajati

40.14

udaṅṅāsīna udgāyatyudī-cīntaddiśamūrjjā bhājayati pratyaṅṅāsīnaḥ prastauti pratīcīntaddiśamūrjjā bhājayati dakṣiṇāsīnaḥ pratiharati dakṣiṇāntaddiśamūrjjā bhājayati prāṅṅo'nya ṛtvija ārtvijyaṃ kurvanti tasmādeṣā diśāṃ vīryavattamaitām̐hi bhūyiṣṭhāḥ prīṇanti

40.15

brahmavādino vadanti kasmātsatyātprāśno'nya ṛtvija ārtvijyaṃ
kurvantīti viparikrabhyodgātāra iti diśāmabhīṣṭayai diśāmabhiprītyā
iti brūyāttasmātsarvvāsu dikṣvannaṃ vidyate sarvā hyabhīṣṭāḥ prītāḥ

Linked texts (1)

Jaiminīyabrāhmaṇa (ed. Raghuvira) — Sanskrit