Pramāṇa · Search · About · API

Samavedabrahmananyashtau 41

Sāmavedabrāhmaṇānyaṣṭau 41

Language
Sanskrit

41.1

pañcamaḥ khaṇḍaḥ
prajāpatirakāmayata bahu syāṃ prajāyeyeti so'śocattasya śocata
ādityo mūrdhno'sṛjyata so'sya mūrdhnāmudahan sa droṇa
kalaśo'bhavattasmin devāḥ śūkramagṛhṇata tāṃ vai sa āyuṣārttimatyajīvat

41.2

āyuṣārttimatijīvati ya evaṃ veda

41.3

taṃ
prohe 'dvānaspatyo'si bārhaspatyo'si prājāpatyosi prajāpatermūrddhāspatyāyupātramasīdamahammāṃ prāñcaṃ prohāmi tejase brahmavarcasāye'ti

41.4

yadāha vānaspatya iti satyenaivainaṃ tatprohati

41.5

yadāha bārhaspatya
iti bṛhaspatirvai devānāmudgātā tameva tadyunakti

41.6

yadāha prājāpatya
iti prājāpatyo hyeṣa devatayā yaddroṇakalaśo yadāha prajāpatermūrddheti
prajāpaterhyeṣa mūrdhnā udahanyata

41.7

yadāhā'tyāyupātrami'tyati
hyetadanyāni pātrāṇi yat droṇakalaśo devapātraṃ droṇakalaśaḥ

41.8

devapātrī bhavati ya evaṃ veda

41.9

brāhmaṇaṃ pātre na mīmām̐seta yaṃ
brāhmaṇamiva manyeta pra devapātramāpnoti na manuṣyapātrācchidyate

41.10

vāgvai devebhyo'pakrāmatsāpaḥ prāviśattāṃ devāḥ punarayācaḥstā
abruvanyatpunarddhāma kinnastata: syāditi yatkāmayadhva ityabruvaḥstā
abruvanyadevāsmāsu manuṣyā apūtaṃ praveśayāḥstenāsaḥsṛṣṭā
asāmeti

41.11

śuddhā asmā āpaḥ pūtā bhavanti ya evaṃ
veda

41.12

sā punartyatkrāmat sā vanaspatīn prāviśattāndevāḥ
punarayācam̐stānna punaradadustānaśapan svena vaḥ kiṣkuṇā vajreṇa vṛścāniti
tasmādvanaspatīn svena kiṣkuṇā vajreṇa vṛścanti devaśaptā hi

41.13

tāṃ vanaspatayaścaturddhā vācaṃ vinyadadhurdundubhau vīṇāyāmakṣe tūṇave
tasmādeṣa vadiṣṭhaiṣā valgutamā vāgyā vanaspatīnāṃ devānāñcoṣā
vāgāsīt

41.14

adho'dho'kṣaṃ droṇakalaśaṃ prohanti tasyā
vāco'varudhyā uparyuparyakṣaṃ pavitraṃ prayacchantyubhayata eva vācaṃ
parigṛhṇanti

41.15

yasya kāmayetāsuryyamasya yajñaṃ kuryyāṃ vācaṃ
vṛñjīyati droṇakalaśaṃ prohanbāhubhyāmakṣamupaspṛśedasuryyamasya yajñaṅkaroti
vācaṃ vṛṅkte yo'sya priyaḥ syādanupaspṛśannakṣaṃ prohetprāṇā vai
droṇakalaśaḥ prāṇānevāsya kalpayati

41.16

yannivatyāhurvvācānyānṛtvijo vṛṇate kasmādudgātāro'vṛtā ārtvijyaṃ
kurvantīti

41.17

yaddroṇakalaśamupasīdanti tenodgātāro
vṛtā:

41.18

prājāpatyā vā udgātāraḥ prājāpatyo droṇakalaśo
droṇakalaśa evainānārtvijyāya vṛṇīte

41.19

prāñca upasīdanti
prāñco yajñasyāgre karavāmeti

41.20

anabhijitā vā eṣodgātṛṇāṃ
digyatprācī yaddroṇakalaśaṃ prāñcaṃ prohanti diśo'bhijityai

41.21

yannivatyāhurantarārśca: prāsevau yujyate'ntarā śamya anaḍvānka udgātṛṇāṃ
yogiti yaddroṇakalaśamupasīdanti sa eṣāṃ yogastasmādyuktairavopasadyanna hyayukto vahati

Linked texts (3)