Samavedabrahmananyashtau 42

Sāmavedabrāhmaṇānyaṣṭau 42

Language: Sanskrit

42.1

ṣaṣṭhaḥ khaṇḍaḥ
grāvṇaḥ saṃsādya droṇakalaśamadhyūhanti viḍvai grāvāṇo'nnaṃsomo
rāṣṭraṃ droṇakalaśo yadgrāvasu droṇakalaśamadhyūhanti viśyeva tadrāṣṭramadhyūhanti

42.2

yaṃ dviṣyādvimukhān grāvṇaḥ kṛtvedamahamamuṣyāyaṇamamuṣyāḥ putramamuṣyāviśo'muṣmādannādyānnirūhāmīti nirūhedviśa
evainamannādyānnirūhati

42.3

yo'sya priyaḥ syātsammukhān grāvaḥ kṛtvedamahamamuṣyāyaṇamamuṣyāḥ putramamuṣyāṃ viśyamuṣminnādye'dhyūhāmītyadhyūhedviśye
vainamannādye'dhyūhati

42.4

atho tadubhayamanādyatyedamahaṃ māṃ tejasi
brahmavarcase'dhyūhāmītyadhyūhetejasyeva brahmavarcasas ātmānamadhyūhati

42.5

yaḥ kāmayeta viśā rāṣṭraṃhanyāmiti vyūhya
grāvṇo'dho droṇakalaśaṃsādayitvopāṃśusavanamupariṣṭādabhinidadhyādidamahamamuyā viśā'dorāṣṭraṃhanmīti viśaiva
tadrāṣṭraṃhanti

42.6

yo vai daivāni pavitrāṇi veda pūto yajñiyo
bhavati chandāṃsi vai daivāni pavitrāṇi tairdroṇakalaśaṃ pāvayanti

42.7

vasavastvā gāyatreṇa chandasā punantu rudrāstvā traiṣṭubhena chandasā
punantvādityāstvā jāgatena chandasā punantvetāni vai daivāni pavitrāṇi
pūto yajñiyo bhavati ya evaṃ veda

svarbhānurvā āsura
ādityantamasāvidhyattaṃ devā na vyajānaṃste'trimupādhāvaṃstasyātrirbhāsena tamopāhanyat prathamamapāhan sā kṛṣṇāvirabhavadyadvitīyaḥ sā rajatā yattṛtīyaḥ sā lohinī yayā varṇamabhyatṛṇat sā
śuklāsīt

42.9

tasmācchuklaṃ pavitraṃ śukraḥ somaḥ sa
śukratvāya

42.10

yaṃ dviṣyāttasyai teṣāṃ varṇānāmapi pavitre
kuryātpāpmanaivainaṃ tamasā vidhyati kṛṣṇamiva hi tamoyo'sya priyaḥ
syādāsaktiśuklaṃ kuryājjyotirvai hiraṇyaṃ jyotirevāsindadhāti