Samavedabrahmananyashtau 44
Sāmavedabrāhmaṇānyaṣṭau 44
- Language
- Sanskrit
44.1
aṣṭamaḥ khaṇḍaḥ:
sa tu vai yajñena yajetetyāhuryyasya virājaṃ yajñamukhe
dadhyuriti
44.2
navabhiḥ stuvanti hiṅkāro daśamo daśākṣarāvirāḍvirājamevāsya
yajñamukhe dadhati
44.3
navabhiḥ stuvanti nava prāṇāḥ
prāṇairevainaḥsamarddhayanti hiṅkāro daśamastannābhiranavatṛṇṇā daśamā
prāṇānām
44.4
navabhiḥ stuvanti navādhvaryuḥ prātaḥsavane grahān
gṛhṇāti tāneva tatpāvayanti teṣāṃ prāṇānutsṛjanti
44.5
prajāpatirvai
hiṅkārastriyo bahiṣpavamānyo yaddhiṅkṛtya prastauti mithunamevāsya
yajñamukhe dadhāti prajananāya
44.6
eṣa vai stomasya yogo yaddhiṅkāro
yaddhiṅkṛtya prastauti yuktenaiva stomena prastauti
44.7
eṣa vai
sāmnāśraso yaddhiṅkāro yaddhiṅkṛtya prastauti rasenaivaitā abhyudgha
prastauti
44.8
āraṇyebhyo vā etat paśubhyaḥ stuvanti
yadbahiṣpavamānamekarūpābhiḥ stuvanti tasmādekarūpā āraṇyāḥ
paśavaḥ
44.9
parācībhiḥ stuvanti tasmāt parāñcaḥ prajāyante parāñco
vitiṣṭhante
44.10
apariśrite stuvanti tasmādaparigṛhītā āraṇyāḥ
paśavaḥ
44.11
bahiḥ stuvantyantaranuśaṃsanti tasmādgrāmamāṃhatairbhuñjate
44.12
grāmyebhyo vā etat paśubhyaḥ stuvanti
yadājyairnānārūpaiḥ stuvanti tasmānnānārūpā grāmyāḥ paśavaḥ
44.13
punarabhyāvarttaṃḥstuvanti tasmātpretvarghyaḥ pretya punarāyanti
44.14
pariśrite
stuvanti tasmāt parigṛhītā grāmyāḥ paśavaḥ
44.15
amuṣmai vā
etallokāya stuvanti yadbahiṣpavamānaṃsakṛddhiṅkṛtābhiḥ parācībhiḥ
stuvanti sakṛddhīto'sau paraॉllokaḥ
44.16
asmai vā etallokāya
stuvanti yadājyaiḥ punarabhyāvarttaṃḥstuvanti tasmādayallokaḥ punaḥ punaḥ
prajāyate
44.17
parāñco vā eteṣāṃ prāṇā bhavantītyāhurye
parācībhirbahiṣpavamānībhiḥ stuvata ityāvatīmuttamāṃ gāyetprāṇānāndhṛtyai
44.18
cyavante vā ete'smāllokādityāhurye parācībhirbahiṣpavamānībhiḥ
stuvata iti rathantaravarṇāmuttamāṅgāyediyaṃ rathantaramasyāmeva
pratitiṣṭhati
Linked texts (2)
- Tantravārttika (ed. Subbāśāstrī) — Sanskrit
- Adhyāyas 1–7 (input A. Pohlus) — Sanskrit