Pramāṇa · Search · About · API

Samavedabrahmananyashtau 45

Sāmavedabrāhmaṇānyaṣṭau 45

Language
Sanskrit

45.1

navamaḥ khaṇḍaḥ
'upāsmai gāyatā nara' iti grāmakāmāya pratipadaṃ kuryāt

45.2

naro vai devānāṃ grāmo grāmamevāsmā upākaḥ

45.3

upa vā
annamannamevāsmā upākaḥ

45.4

'upoṣu jātamaptura'miti prajākāmāya
pratipadaṃ kuryāt

45.5

upa vai prajā tāṃ jātamityevājījanat

45.6

'sanaḥ pavasva śaṅgava' iti pratipadaṃ kuryāt

45.7

yām̐samāṃ mahādevaḥ
paśūn hanyāt'sanaḥ pavasva śaṅgava' iti catuṣpade bheṣajaṃ karoti

45.8

'śaṅganā'yeti dvipade śamarvvata ityekaśaphāya

45.9

viṣeṇa va
tām̐samāmoṣadhayoktā bhavanti yāṃsamāmmahādevaḥ paśūn hanti
yaccham̐rājannoṣadhībhya ityāhauṣadhīrevāsmai svadayatyubhayo'smai svaditāḥ
pacyante'kṛṣṭapacyāśca kṛṣṭapacyāśca

45.10

'pavasva vāco agriya'
iti pratipadaṃ kuryādyaṃ kāmayeta samānānām̐śreṣṭhaḥ syāditi

45.11

'pavasva vāco agriya' ityagramevainaṃ pariṇayati

45.12

śrīrvai
vāco'gram̐śriyamevāsmin dadhāti

45.3-2

'eta asṛgramindava' iti
bahubhyaḥ pratipadaṃ kuryāt

45.14

eta iti sarvanivainānṛddhyai bhūtyā
abhivadati

45.15

eta iti vai prajāpatirdevānasṛjatāsṛgramiti
manuṣyānindava iti pitṝm̐stiraḥ: pavitra iti grahānāśava iti stotraṃ
viśvānīti śastramabhi saubhagetyanyāḥ prajāḥ

45.16

yadeta iti
tasmādyāvanta evāgre devā stāvanta idānīm

45.17

sarvvānyṛddhimārdhnuvam̐sthiteva hyeṣā vyāhṛtiḥ

45.18

yadasūgramiti tasmānmanuṣyā: śva: śva: sṛjyante

45.19

yadindava
itīndava iva hi pitara:

45.20

manaiva

45.21

yāntā: prajā:
sṛṣṭā ṛddhimārdhnuvaṃstāmṛdhnuvanti yeṣāmevaṃ vidvānetāṃ pratipadaṃ
karoti

45.22

chandām̐si vai somamāharaṃstaṃ gandharvo viśvāvasu:
paryamuṣṇāttenāpa: prāviśattaṃ devatā anvaichaṃstaṃ viṣṇurapsu paryapaśyat
sa vyakāṅkṣadayannū 3 nā 3 iti taṃ padā prāsphurattasmāt
pṛthagindavo'sṛjyanta sa devatābhyo'bhitastiṣṭhantībhya ete asūgramindava
iti prābravīdbahiṣpavamānena vai yajña: sṛjyate yadete asūgramindava
iti prastauti yajñameva tat sṛṣṭandevatābhya: prāha

45.23

vyūḍhaṃ vā
etadapaśavyaṃ yatprāta:savanamaniḍaṃhi yadiḍāmasmabhyaṃsaṃyatamityāha
prāta:savanameva tadiḍāvatpaśumatkaroti

45.24

davidyutatyāruceti
vrātāya pratipadaṃ kuryāt

45.25

davidyutatyāruceti vai gāyatryā
rūpaṃ pariṣṭobhantyeti triṣṭubha: kṛpetyanuṣṭubha: somā: śukrā gavāśira
iti jagatyā: sarveṣāṃ vā eṣā chandasām̐rūpaṃ chandām̐sīva khalu vai
vrātoyadeṣā pratipadyavati svenaivainām̐stadrūpeṇa samarddhayati

45.26

vṛddhā vā eta indriyeṇa vīryeṇa yadvrāta indriyaṃ vīryaṃ
chandām̐sīndriyeṇaivainānvīryeṇa samarddhayati

Linked texts (3)