Samavedabrahmananyashtau 46
Sāmavedabrāhmaṇānyaṣṭau 46
- Language
- Sanskrit
Contents
- 46.19 — 1 part
46.1
daśama: khaṇḍa:
agna āyūm̐ṣi pavasa iti pratipadaṃ kuryādyeṣāṃ dīkṣitānāṃ
pramīyate
46.2
apūtā iva vā yeṣāṃ dīkṣitānāṃ pramīyate
yadyeṣā'gnipāvamānī pratipadyavatyagnirevaināgniṣṭapati pavamāna:
punāti
46.3
yadāyūm̐ṣītyāha ya eva jīvanti teṣvāyurdadhāti
46.4
āno mitrāvaruṇeti jyogāmayāvine pratipadaṃ kuryāt
46.5
apakrāntau vā etasya prāṇāpānau yasya jyogamayati prāṇāpānau
mitrāvaruṇau prāṇāpānāvevāsmindadhāti
46.6
apaghnanpavate mṛdhopasomo
arāvṇa ityanṛtamabhiśasyamānāya pratipadaṃ kuryyāt
46.7
arāvāṇo
vā ete ye'nṛtamabhi śam̐santi tānevāsmādapahanti
46.8
gacchannindrasya
niṣkṛtamiti pūtamevainaṃ yajñiyamindrasya niṣkṛtaṅgamayati
46.9
vṛṣā
pavasva dhārayeti rājanyāya pratipadaṃ kuryyādvṛṣā vai rājanyo vṛṣaṇamevainaṃ
karoti
46.10
marutvate ca matsara iti maruto vai devānāṃ viśo
viśamevāsmā anu niyunaktyanapakrāmukā'smādviḍbhavati
46.11
viśvā
dadhāna ojasetyojasaivāsmai vīryyeṇa viśāṃ purastātparigṛhṇātyanapakrāmukāsmādviḍbhavati
46.12
pavasvendo vṛṣāsuta iti
pratipadaṃ kuryyādyaḥ kāmayeta janema ṛdhyeteti
46.13
kṛdhī no
yaśaso janaiti janatāyāmevāsmā ṛdhyate
46.14
yuvam̐hi sthaḥ
svaḥ patī iti dvābhyāṃ pratipadaṃ kuryyātsamāvadvājāvevainau yajñasya
karotyubhau yajñayaśasenārpayati
46.15
prāsya dhārā akṣaranniti
vṛṣṭikāmāya pratipadaṃ kuryyāt
46.16
prāsya dhārā akṣaranniti
divo vṛṣṭiścyāvayati vṛṣṇaḥ sutasyaujasa ityantarikṣāt
46.17
devām̐anu prabhūṣata ityasmin loke pratiṣṭhāpayati
46.18
ojasā
vā etadvīryyeṇa pradīyate yadaprattaṃ bhavati yadvṛṣṇaḥ sutasyaujasa
ityāhaujasaivāsmai vīryyeṇa divo vṛṣṭiṃ prayacchati
46.19
ayā
pavasva dhārayā yayā gāṃva ihāgamannyāsa upa no gṛhamiti pratipadaṃ
kuryyādyaḥ kāmayetopa mā janyā gāvo nameyurrvindeta me janyāgā
rāṣṭramiti yadeṣā pratipadbhavatyupainañjanyāgāvo namanti vindate'sya
janyāgā rāṣṭram
46.19.p1
iti ṣaṣṭho'dhyāyaḥ
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit