Samavedabrahmananyashtau 49
Sāmavedabrāhmaṇānyaṣṭau 49
- Language
- Sanskrit
49.1
tṛtīyaḥ khaṇḍaḥ
etāvatā vāva mādhyandinaḥsavanaṃ pupuve
49.2
tribhiśca chandobhiḥ
pañcabhiśca sāmabhiḥ
49.3
yanmādhyandinenaṃ pavamānena stuvanti
mādhyandinameva tatsavanaṃ pāvayanti
49.4
etāvanti vāva sarvāṇi
sāmāni yāvanti mādhyandine pavamāne
49.5
gāyatranidhanavadanidhanamaiḍam
49.6
yanmādhyandinena pavamānena stuvanti sarvaireva
tatsāmabhiḥ stuvanti
49.7
ātmā vai yajñasya pavamāno mukhaṃ
gāyatrī prāṇo gāyatraṃ yadgāyatryāṃ gāyatreṇa stuvanti mukhata eva
tatprāṇāndadhati
49.8
prāṇāpānā vā etāni chandām̐si prāṇo gāyatrī
vyāno bṛhatyapānastriṣṭubyadetaiśchandobhiḥ stuvanti prāṇāpānānāmavicchedāya
49.9
ime vai lokā etāni chandāḥsyameva gāyatyayaṃ
madhyamo bṛhatyasāvuttamastriṣṭubyadetaiśchandobhiḥ saṃhitaiḥ stuvantyeṣām̐
lokānāmavicchedāya
49.10
yadanyacchando'ntarā vyaveyādimām̐
lokānvicchindyāt
49.11
gāyatreṇa stutvā nidhanavatā stuvantīyaṃ
vai gāyatryasyāmeva tadāyatanaṃ kriyate
49.12
yadanidhanenāgre stuyuranāyatano yajamānaḥ syāt
49.13
nidhanavatā stuvanti vīryaṃ vai gāyatrī vīryānnidhanaṃ vīryeṇaiva
tadvīryaḥsamarddhayati
49.14
aiḍena bṛhatīmārabhante
49.15
paśavo
vā iḍā paśavo bṛhaṃtī paśuṣveva tatpaśūndadhāti
49.16
bṛhatyāṃ
bhūyiṣṭhāni sāmāni bhavanti
49.17
tatrāpi trinidhanam
49.18
abaliṣṭha iva vā ayammadhyamo lokastasyaiva tadāyatanaṃ
kriyate
49.19
trinidhanaṃ bhavati trīṇi savanānāṃ chidrāṇi tāni
tenāpi dhīyante
49.20
trinidhanaṃ bhavati traya ime lokā eṣveva
lokeṣu pratitiṣṭhati
49.21
trinidhanaṃ bhavatyetena vai mādhyandinaḥsavanaṃ
pratiṣṭhitaṃ yattrinidhanaṃ yattrinidhananna syādapratiṣṭhitammādhyandinaḥsavanaṃ
syāt
49.22
dvyakṣarāṇi nidhanāni bhavanti dvipādyajamāno yajamānameva
yajñe paśuṣu pratiṣṭhāpayati
49.23
anidhanamantato bhavati svargasya
lokasyānatipādāya
49.24
yannidhanavatsyādyajamānaḥsvargāllokānnirhanyāt
49.25
svāraṃ bhavati
49.26
svareṇa vai
devebhyo'ntato'nnādyaṃ pradīyate svareṇaiva taddevebhyo'ntato'nnādyaṃ
prayacchati
49.27
gāyatraṃ purastādbhavati svāramantataḥ
49.28
prāṇo
vai gāyatraṃ prāṇaḥ svaraḥ prāṇāneva tadubhayato dadhāti tasmādubhayataḥ
prāṇāḥ paśavaḥ
49.29
yadgāyatraṃ purastādbhavati svāramantataḥ prāṇaireva
praityapāne pratitiṣṭhati
Linked texts (1)
- Pañcaviṃśabrāhmaṇa — Sanskrit