Samavedabrahmananyashtau 50
Sāmavedabrāhmaṇānyaṣṭau 50
- Language
- Sanskrit
50.1
caturthaḥ khaṇḍaḥ
etad vai yajñasya svargaṃ yanmādhyandinaḥsavanammādhyandinasya
pavamānaḥ pavamānasya bṛhatī yadbṛhatyāḥ stotre dakṣiṇā dīyante
svargasyaiva tallokasyāyatane dīyante
50.2
devā vai chandām̐syabruvanyuṣmābhiḥ svargam̐lokamayāmeti te gāyatrīṃ
prāyuñjata tayā na vyāpnuvam̐striṣṭubhaṃ prāyuñjata tayā na vyāpnuvañjagatīṃ
prāyuñjata tayā na vyāpnuvannuṣṭubhaṃ prāyuñjata tayā'lpakādi na
vyāpnuvam̐sta āsāndiśām̐rasān pravṛhya catvāryakṣarāṇyupādadhuḥ sā
bṛhatyabhavattayemām̐llokān vyāpnuvan
50.3
bṛhatī marghyā
yayemām̐llokān vyāpāmeti tadbṛhatyābṛhatvam
50.4
paśūnvā
asyāntānupādadhuḥ paśavo vai bṛhatī yadbṛhatyā: stotre dakṣiṇā
dīyante sva eva tadāyatane dīyante
50.5
yannivatyāhuranyāni chandām̐si
varṣīyām̐si kasmādbṛhatyucyata ityeṣā hīmām̐llokān vyāponnānyacchandaḥ
kiñcana yāni saptacaturuttarāṇi chandām̐si tāni bṛhatīmabhisampadyante
tasmādbṛhatyucyate
50.6
yannivatyāhurgāyatraṃ prātaḥsavanaṃ
traiṣṭubhammādhyandinam̐savanañcāgataṃ tṛtīyasavanaṅkasmād bṛhatyā madhyandine
stuvantīti
50.7
bahiṣpavamānena vai devā ādityam̐svargaṃllokamaharan
sa nāghriyata taṃ bṛhatyā madhyandine stabhnuvam̐stasmād bṛhatyā
madhyandine stuvantyādityam̐heṣā madhyandine dādhāra
50.8
yairu kaiśca
chandobhirmadhyandine stuvanti tāni triṣṭubhamabhi sampadyante tasmāttriṣṭubho
nayanti mādhyandinātsavanāt