Samavedabrahmananyashtau 51
Sāmavedabrāhmaṇānyaṣṭau 51
- Language
- Sanskrit
51.1
pañcama: khaṇḍa:
prajāpatirakāmayata bahu syāṃ prajāyeyeti sa śocanmahīyamāno'tiṣṭhatsaetadāmahīyavamapaśyattenemāḥ prajā asṛjata tāḥ
sṛṣṭā amahīyanta yadamahīyanta tasmādāmahīyavam
51.2
tā
asmātsṛṣṭā apākrāmam̐stāsāndivi sabbhūmyāḍada iti prāṇānādatta
tā enaṃ prāṇeṣvātteṣu punarupāvartanta tābhya ugram̐śarmma mahiśrava iti
punaḥ prāṇān prāyacchattā asmādudevāyodham̐stāsām̐ stauṣa iti
manyūnavāśrṛṇottato vai tasmai tāḥ śreṣṭhayāyātiṣṭhanta
51.3
tiṣṭhante'smai samānā: śraiṣṭhyāya ya evaṃ veda
51.4
prajānāñca vā eṣā sṛṣṭi: pāpavasīyasaśca vidhṛtiryyadāmahīyavam
51.5
vidhṛti: pāpavasīyaso bhavati ya evaṃ veda
51.6
devā vai yaśaskāmā: satramāsatāgnirindro vāyurmakhaste'bruvanyanno yaśa'ṛcchāttanna: sahāsaditi teṣāmmakhaṃ yaśa ārcchattadādāyāpākrāmattadasya prāsahāditsanta taṃ paryyayatanta svadhanu: pratiṣṭhabhyātiṣṭhattasya dhanu-rārttirūrdhvāpatitvā śiro'cchinatsa pravagryo'bhavadyajño vai makho yat pravagryaṃ pravṛñjanti yajñasyaiva tacchira: pratidadhati
51.7
tadevā yaśo vyabhajanta tasyāgnīrauravaṃ prābṛhata
51.8
tadvai sa paśuvīryyaṃ prābṛhatā paśavo vai rauravam
51.9
paśumān bhavati ya evaṃ veda
51.10
agnirvai rūrastasyaitadrauravam
51.11
asurā vai devān paryyayatanta tata etāvagnīrūrau viśvañcau stobhāvapaśyattābhyāmenān pratyauṣatte pratyuṣyamāṇā aravanta yadaravanta tasmādrauravam
51.12
athendro yaudhājayaṃ prābṛhata tadvai sa vajraṃ prābṛhata vajro vai yaudhājayam
51.13
vajraṃ bhrātṛvyāya praharati ya evaṃ veda
51.14
indro vai yudhājittasyaitadyaudhājayam
51.15
yudhā maryyā ajaiṣmeti tasmādyaudhājayam
51.16
atha vāyurauśanaṃ prābṛhata
51.17
tadvai sa prāṇavīryyaṃ prābṛhata prāṇā vā auśanam
51.18
sarvvamāyureti ya evaṃ veda
51.19
vāyurvā uśanaḥstasyaitadauśanam
51.20
uśanā vai kāvyo'surāṇāṃ purohita āsīttaṃ devā: kāmadughābhirupāmantrayanta tasmā etānyauśanāni prāyacchan kāmadughā vā auśanāni
51.21
kāmadughā enamupatiṣṭhante ya evaṃ veda