Samavedabrahmananyashtau 52
Sāmavedabrāhmaṇānyaṣṭau 52
- Language
- Sanskrit
52.1
ṣaṣṭha: khaṇḍa:
prajāpatirakāmayata bahu syāṃ prajāyeyeti sa tūṣṇīṃ manasā dhyāyattasya yanmanasyāsīttadbṛhatsāma samabhavata
52.2
sa ādadhīta garbho vai me'yamantarhitastaṃ vācā prajanayā iti
52.3
sa vācaṃ vyasṛjata sā vāgrathantaramanvapadyata
52.4
rathammaryā:
kṣeplātārīditi tadrathantarasya rathantaratvam
52.5
tato bṛhadanu prājāyata
bṛhanmaryā idaṃsa jyogantarabhūditi tadbṛhato bṛhatvam
52.6
yathā
vai putro jyeṣṭha evaṃ bṛhatprajāpateḥ
52.7
jyeṣṭhabrāhmaṇaṃ vā
etat
52.8
prajyaiṣṭhyamāpnoti ya evaṃ veda
52.9
yannivatyāhurbṛhatpūrvaṃ
prajāpatau samabhavatkasmādrathantaraṃ pūrvaṃ yogamānaśa iti
52.10
bṛhadeva
pūrvaṃḥsamabhavadrathantarantu pūrvaṃḥsṛṣṭyāsṛjata tasmātpūrvaṃ
yogamānaśe
52.11
tayoḥ samānanidhanamāsīttasminnātiṣṭhetānte
ājimaitāṃ tayorhasiti bṛhatprāṇamudajayadasiti rathantaramapānamabhisamaveṣṭata
52.12
prāṇāpānau vai bṛhadrathantare jyogāmayāvina ubhe
kuryādapakrāntau vā etasya prāṇāpānau yasya jyogāmayati
prāṇāpānāvevāsmindadhāti
52.13
yannivatyāhurubhe bṛhadrathantare bahinirdhane kasmād bṛhadbahirnidhanāni bhajate'ntarnidhanāni
rathantaramiti
52.14
prāṇo bṛhattasmādbahirnidhanāni bhajate bahirhi
prāṇo'pāno rathantaraṃ tasmādantarnidhanāni bhajate'ntarhāpānaḥ
52.15
mahāvṛkṣau vai bṛhadranthare nidhanena samarghye
52.16
yadvai mahāvṛkṣau
samṛcchete bahu tatra vibhagnaṃ prabhagnaḥśete
52.17
airaṃ vai
bṛhadaiḍaḥrathantarammano vai bṛhadbāgrathantaraṃ sāma vai bṛhadgrathantaraṃ prāṇo
vai bṛhadapāno rathantaramasau vai loko bṛhadyayaḥrathantarametāni
manasānvīkṣyodvāyet klṛptābhyāmevābhyāmudvāyati
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit