Samavedabrahmananyashtau 53
Sāmavedabrāhmaṇānyaṣṭau 53
- Language
- Sanskrit
53.1
paśavo vai bṛhadrathantare aṣṭākṣareṇa prathamāyā ṛcaḥ
prastautyaṣṭāśaphāḥstatpaśūnavarundhe
53.2
dvyakṣareṇottarayorrdhcaḥ prastauti dvipādyajamāno yajamānameva yajñe
paśuṣu pratiṣṭhāpayati
53.3
pañcākṣareṇa rathantarasya pratiharati
pāṅktām̐statpaśūnavarundhe
53.4
caturakṣareṇa bṛhataḥ pratiharati
catuṣpadastatpaśūnavarundhe
53.5
na vai bṛhanna rathantaramekacchando
yacchattata: kakubhāvuttare upādadhustasmādbṛhatī prathamā kakubhāvuttare
tasmādbṛhadrathantare ekarccena kurvanti na hi te
ekacchando'yacchat
53.6
nava bṛhatī rohān rohati nava prāṇāḥ
prāṇānevāvarundhe
53.7
trīn prathamāyām̐rohati bhūtaṃ bhavadbhaviṣyatānevāvarundhe trīn madhyamāyām̐rohatyātmānaṃ prajāṃ paśūn stānevāvarundhe
trīnuttamāyām̐rohati traya ime lokā eṣveva lokeṣu pratitiṣṭhati
53.8
sarvān kāmānavarundhe ya evaṃ vidvān bṛhato rohānurohati
53.9
vajreṇa vā etatprastotodgātāramabhipravarttayati yadrathantaraṃ prastauti
samudramantarddhāyodgāyedgāgityādeyaṃ vāgvai samudraḥ samudramevāntardadhātyahim̐sāyai
53.10
balavadveyaṃ vajrameva pravṛttaṃ pratyudgṛhṇāti
53.11
balvalā kurvvatā geyamabhilobhayateva vajramevābhilobhayati
53.12
kṣipraprageyaḥsvargasya lokasya samaṣṭyai
53.13
devaratho vai
rathantaramakṣareṇākṣareṇa pratiṣṭhāpayatodgeyamareṇāreṇa hi rathaḥ
pratitiṣṭhati
53.14
yo vai devarathamananvālabhyātiṣṭhatyavāsmātpadyata
iyaṃ vai devaratha imāmālabhyodgāyennāsmādavapadyate
53.15
īśvaraṃ vai
rathantaramudrātuścakṣuḥ pramathitoḥ prastūyamāne sammīletsvardṛśaṃ prativīkṣeta
nainaścakṣurjahāti
53.16
prajananaṃ vai rathantaraṃ yattasthuṣa ityāha
sthāyukodgāturvāgbhavatyapi prajananaṃhantyasthuṣa iti vaktavyam̐susthuṣa
iti vā sthāyukodgāturvāgbhavati na prajananamapi hanti
53.17
pṛṣṭhāni
vā asṛjyanta tairdevāḥ svargaṃllokamāyam̐steṣām̐rathantarammahimnā
nāśaknodutpatat
53.18
tasya vaśiṣṭho mahimno vinidhāya tena stutvā svargaṃślokamaittān
saṃbhṛtyodgāyet
53.19
yaste goṣu mahimā yaste apsu rathe vā te
stanayitnau ya u te yaste agnau mahimā tena sambhava rathantaraṃ
draviṇavanna edhi