Samavedabrahmananyashtau 56

Sāmavedabrāhmaṇānyaṣṭau 56

Language: Sanskrit

56.17 — 1 part

56.1

daśamaḥ khaṇḍaḥ
imau vai lokau sahastāntau viyantāvabrūtāṃ vivāhaṃ vivahāvahai
saha nāvastviti

56.2

tayorayamumuṣmai śyaitaṃ prāyacchannaudhasamasāvasmai

56.3

tata enayornnidhane viparyyakrāmatāṃ deva vivāho
vai śyaitanaudhase

56.4

pravasīyām̐saṃ vivāhamāpnoti ya evaṃ veda

56.5

ito vā ime lokā ūddhvāḥ kalpamānāyantyamuto'rvāñcaḥ kalpamānā
āyanti

56.6

yadrathantareṇa stuvantīmallokaṃ tena yunaktyantarikṣaṃ
vāmadevyena naudhasenāmuṃ yad bṛhatā stuvantyamullokaṃ tena
yunaktyantarikṣaṃ vāmadevyena śyaitenemam

bṛhadrathantare vai śyaitanaudhase
yadrathantarāya naudhasaṃ prati prayuñjanti bṛhadevāsmai tatprati prayuñjanti
bṛhaddhacetatparokṣaṃ yannaudhasaṃ yad bṛhate śyaitaṃ prati prayuñjanti
rathantaramevāsmai tatprati prayuñjanti rathantaraścetatparokṣaṃ yaccaitam

56.9

ubhābhyāṃ bṛhadrathantārābhyāṃ stute ya evaṃ veda

56.10

devā vai brahma
vyabhajanta tānnodhāḥ kākṣīvata āgacchatte'bruvannṛṣirnna āgam̐stasmai
brahma dadāmeti tasmā etat sāma prāyacchanyannodhase prāyaccham̐stasmānnaudhasaṃ brahma vai naudhasam

56.11

brahmavarccasakāma etena stuvīta
brahmavarccasī bhavati

56.12

athaitacchaitam

56.13

prajāpatiḥ paśūnasṛjata te'smān sṛṣṭā apākrāmam̐stānetena
sāmnābhivyāharatte'smā atiṣṭhanta te śetyā abhavan yacchetyā
abhavam̐stasmācchaitaṃ paśavo vai śyaitam

56.14

paśukāma etena
stuvīta paśumān bhavati

56.15

prajāpatiḥ prajā asṛjata tā:
sṛṣṭā aśocam̐stāḥ śyaitena huṃ mā ityabhyajighrattato vai tā:
samaidhanta samedhante tām̐samāṃ prajā yatraivaṃ vidvāñcchaitenodprāyati

56.16

eṣa vai yajamānasya prajāpatiryadudgātā yacchaitena hiṅkaroti prajāpatireva
bhūtvā prajā abhijighrati

56.17

vasunidhanaṃ bhavati paśavo vai
vasu paśuṣveva pratitiṣṭhati

56.17.p1

iti saptamo'dhyāyaḥ