Samavedabrahmananyashtau 57
Sāmavedabrāhmaṇānyaṣṭau 57
- Language
- Sanskrit
57.1
āṣkāraṇidhanaṃ kāṇvaṃ vaṣaṭkāraṇidhanamabhicaraṇīyasya brahmasāma
kuryādabhinidhanamādhyandine pavamāne
57.2
deveṣurvā eṣā
yadvaṣaṭkāro'bhīti vā indro vṛtrāya vajraṃ prāharadabhītyevāsmai vajraṃ
prahṛtya deveṣvāvaṣaṭkāreṇa vidhyati
57.3
traikakubhaṃ paśukāmāya
brahmasāma kuryāt tvamaṅgapraśaṃsiṣa ityetāsu
57.4
indroyatīn
sālāvṛkebhyaḥ prāyacchatteṣāṃ traya udaśiṣyanta rāyo vājo bṛhadririḥ
pṛthuraśmiste'bruvan konaḥ putrān bhariṣyatītyahamitīndro'bravīttāḥ—
strikakubadhinidhāyācaratsa etatsāmāpaśyadyattrikakubapaśyattasmā
traikakubham
57.5
sa ātmānameva punarupādhāvattvamaṅga praśaṃsiṣo
devaḥ śaviṣṭhamartyannatvadanyomaghavannasti ca marḍitendra bravīmi te vaca
iti sa etena ca pragāthenaitena sāmnā sahasraṃ paśūnasṛjata tānebhyaḥ
prāyacchatte pratyatiṣṭhan
57.6
yaḥ paśukāmaḥ syādyaḥ pratiṣṭhākāma
etasminpragātha etena sāmnā stuvīta prasahasraṃ paśūnāpnoti
pratitiṣṭhati
57.7
trivīryaṃ vā etatsāma trīndriyamaindra ṝca
aindraṃsāmaindreti nidhanamindriya eva vīrye pratitiṣṭhati
57.8
traiśokaṃ
jyogāmayāvine brahmasāma kuryāt
57.9
ime vai lokā: sahāsam̐ste'śocam̐steṣāmindra etena sāmnā śucamapāhanyatrayāṇāṃ
śocatāmapāham̐stasmāttraiśokam
57.10
yāmasmādapāhan sā puścallīṃ
prāviśadyāmantarikṣātsā klīvaṃ yāmamuṣmātsainasvinam
57.11
tasmātteṣānnāśautavyā ya eṣāmāśāmeti tasmā eva
śuco'pabhajate
57.12
śucā vā eṣa viddho yasya jyogāmayati yatraiśokaṃ brahmasāma
bhavati śucamevāsmādapahanti
57.13
diveti nidhanamupayanti vyuṣṭirvai
divā vyevāsmai vāsayati