Samavedabrahmananyashtau 59
Sāmavedabrāhmaṇānyaṣṭau 59
- Language
- Sanskrit
59.1
tṛtīyaḥ khaṇḍaḥ
devāśca vā asurāścaiṣu lokeṣvasparddhanta te devā: prajāpatimupādhāvaḥstebhya etatsāma prāyacchadetenainān kālayiṣyaddhavamiti
tenainānebhyo lokebhyo'kālayanta yadakālayanta tasmātkāleyam
59.2
ebhyo vai lokebhyo bhrātṛvyaṃ kālayate ya evaṃ veda
59.3
stomo vai deveṣu taro nāmāsīdyajño'sureṣu vidadvasuste devāstarobhirvo vidadvasumiti stomena yajñamasurāṇāmavṛñjata
59.4
stomena yajñaṃ bhrātṛvyasya vṛṅkte ya evaṃ veda
59.5
sādhyā vai nāma āsaṃste'vacchidya tṛtīyasavanammādhyandinena savanena saha svargaṃllokamāyaṃstadevāḥ kāleyena samatanvanyatkāleyaṃ bhavati tṛtīyasavanasya santatyai
59.6
vidadvasu vai tṛtīya savanaṃ yattarobhirvo vidadvasumiti prastauti tṛtīya savanameva tadabhyati vadati
59.7
sarvāṇi vai rūpāṇi kāleyaṃ yatpadaprastāvantena rāthantaraṃ yadbṛhato rohān rohati tena bārhataṃ yat stobhavān pratihārastena bārhataṃ yadravadiḍantena rāthantaraṃsarveṣveva rūpeṣu pratitiṣṭhati