Samavedabrahmananyashtau 60
Sāmavedabrāhmaṇānyaṣṭau 60
- Language
- Sanskrit
60.1
caturthaḥ khaṇḍaḥ
sādhyā vai nāma devā āsaṃste sarveṇa yajñena saha svargaṃllokamāyaṃste devāśchandāṃsyabruvansomamāharateti te jagatīṃ prāhiṇvansā trīṇyakṣarāṇi hitvaikākṣarā bhūtvāgacchattriṣṭubhaṃ prāhiṇvan saikamakṣaraṃhitvāḥ jyakṣarā bhūtvā gacchadgāyatrīṃ prāhiṇvaṃścaturakṣarāṇi vai tarhi chandāṃsyāsan sā tāni cākṣarāṇi harantyāgacchadaṣṭākṣarā bhūtvā trīṇi ca savanāni hastābhyāṃ dve savane dantairdaṃṣṭvā tṛtīyasavanaṃ tasmādve aṃśumatī savane dhītaṃ| tṛtīyasavanaṃ dantairhi taddaṃṣṭvā dhayantyaharattasya ye hriyamāṇasyāśavaḥ parāpataṃste pūtīkā abhavan yāni puṣpāṇyavāśīyanta tānyarjunāni yatprāprothatte praprothāsta-smāttṛtīyasavana āśiramavanayanti yameva taṃ gāvaḥ somamadanti tasya tam̐ rasamavanayanti sasomatvāya
60.2
te triṣṭubjagatyau gāyatrīmabrūtāmupa tvāyāveti sābravīt kiṃ
me tataḥ syāditi yatkāmaya sa ityabrūtām̐sābravīnmama sarvvaṃ prātaḥ
savanamahamuttare savane praṇayānīti tasmādgāyatraṃ prātaḥsavanaṃ gāyatryuttare
savane praṇayati
60.3
tāṃ triṣṭup tribhirakṣarairupaitsaikādaśākṣarā bhūtvā
prājāyata tām̐gatyekenākṣareṇopaitsā dvādaśākṣarā bhūtvā prājāyata
60.4
tasmādāhurgāyatrī vāva sarvvāṇi chandām̐si gāyatrī hyetān poṣān
puṣyantyaiditi
60.5
indrastṛtīyasavanādvībhatsamāna udakrāmattadevāḥ
svādiṣṭhayetyasvadayanmadiṣṭhayeti madvadakurvan pavasva soma
dhārayetyapāvayannindrāya pātave suta iti tato vai tadindra upāvarttata
yat svādiṣṭhayā madiṣṭhayeti prastauti tṛtīyasavanasya sendratvāya
60.6
svādiṣṭhā vai deveṣu paśava āsan madiṣṭhā asureṣu te devāḥ
svādiṣṭhayā madiṣṭhayeti paśūnasurāṇāmavṛñjata
60.7
paśūn bhrātṛvyasya
vṛṅkte ya evaṃ veda
60.8
tāsu saṃhitam
60.9
sādhyā vai nāma
devā āsam̐ste'vacchidya tṛtīyasavanammādhyandinena savanena saha
svargaṃllokamāyam̐stadevāḥ saṃhitena samadadhuryyatsamadadhustasmātsam̐hitam
60.10
kāleyaṃ purastādravati saṃhitamupariṣṭādetābhyām̐hi
tṛtīyasavanam̐santāyate
60.11
sarvvāṇi vai rūpāṇi saṃhitaṃ
yatpadaprastāvantena rāthantaraṃ yadbṛhato rohānrohati tena bārhataṃ yatpadanidhantena rāthantaram̐sarveṣveva rūpeṣu pratitiṣṭhati
Linked texts (4)
- Pañcaviṃśabrāhmaṇa — Sanskrit
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit