Samavedabrahmananyashtau 61
Sāmavedabrāhmaṇānyaṣṭau 61
- Language
- Sanskrit
61.1
pañcama: khaṇḍa:
uṣṇikkakubhāvete bhavata:
61.2
uṣṇikkakubhyāṃ vā indro vṛtrāya
vajraṃ prāharatkakubhi parākramatoṣṇihā prāharattaṃsmāt kakubho madhyamaṃ
padaṃ bhūyiṣṭhākṣaraṃ parākramaṇam̐hi tadabhi samauhattasmāduṣṇiha uttamaṃ padaṃ
bhūyiṣṭhākṣaraṃ puro gururiva hi vajraḥ
61.3
vajraṃ bhrātṛvyāya praharati ya evaṃ veda
61.4
nāsike vā ete
yajñasya yaduṣṇikkakubhau tasmāt samānaṃ chandaḥ satī nānāyajñaṃ
vahatastasmāt samānāyā nāsikāyāḥ satyā nānā prāṇāvuccarataḥ
61.5
prāṇā vā uṣṇikkakubhau tasmāttābhyānna vaṣaṭkurvanti yadvaṣaṭkuryuḥ
prāṇānagnau pradadhyuḥ
61.6
tāsu saphaṃ viphamiva tṛtīyasavanaṃ
tṛtīyasavanasya saphatvāyārthaitatpauṣkalametena vai prajāpatiḥ puṣkalān
paśūnasṛjata teṣu rūpamadadhādyadetatsāma bhavati paśuṣveva rūpaṃdadhāti
61.7
purojitī vo andhasa iti padyā cākṣaryā ca
virājau bhavataḥ padyayā vai devāḥ svargaṃllokamāyannakṣaryayā ṛṣayo
nu prājānanyadete padyā cākṣaryā ca virājau bhavataḥ svargasya lokasya
prajñātyai
61.8
tāsu śyāvāśvam
61.9
śyāvāśvamārvanānasaṃsatramāsīnaṃ dhanvodavahan sa etatsāmāpaśyattena vṛṣṭimasṛjata tato vai
sa pratyatiṣṭhattato gātumavindata gātuvidyā etatsāma
61.10
vindate
gātuṃ pratitiṣṭhatyetena tuṣṭuvānaḥ
61.11
indrastṛtīyasavanād
vībhatsamāna udakrāmattaṃ devāḥ śyāvāśvenaihāyi ehiyetyanvāhvayan sa
upāvarttata yadetatsāma bhavati tṛtīyasavanasya sendratvāya
61.12
athaitadāndhīgavamandhīgurvā etatpaśukāmaḥ sāmāpaśyattena sahasraṃ
paśunasṛjata yadetatsāma bhavati paśūnāṃ puṣṭyai madhye
nidhanamaiḍambhavatyetena vai tṛtīya savanaṃ pratiṣṭhitaṃ yanmadhye nidhanamaiḍanna
syādapratiṣṭhitaṃ tṛtīyasavanaḥsyāt
61.13
daśākṣaraṃ madhyato
nidhanamupayanti daśākṣarā virāḍvirājyeva pratitiṣṭhati
61.14
abhipriyāṇi pavata iti kāvaṃ prājāpatyaṃsāma
61.15
prajā vai
priyāṇi paśavaḥ priyāṇi prajāyāmeva paśuṣu pratitiṣṭhati
61.16
raśmī vā etau yajñasya yadauśanakāve devakośo vā eṣa
yajñamabhisamubjito yadete antato bhavato yajñasyāriṣṭyai
Linked texts (1)
- Kāṭhakasaṃhitā — Sanskrit