Samavedabrahmananyashtau 62
Sāmavedabrāhmaṇānyaṣṭau 62
- Language
- Sanskrit
62.1
devā vai brahma vyabhajanta tasya yo raso'tyaricyata
tadyajñāyajñīyamabhavat
62.2
brahmaṇo vā eṣa raso yadyajñāyajñīyaṃ
yadyajñāyajñīyena stuvanti brahmaṇa eva rase yajñaṃ pratiṣṭhāpayanti
62.3
yonirvai yajñāyajñīyametasmādvai yoneḥ prajāpatiryajñamasṛjata yadyajñaṃ
yajñamasṛjata tasmādyajñāyajñīyam
62.4
tasmādvā etena purā brāhmaṇā
bahiṣpavamānamastoṣata yoneryajñaṃ pratanavā mahā iti yajñantataḥ stuvanti
yonau yajñaṃ pratiṣṭhāpayanti
62.5
asureṣu vai sarvo yajñaṃ āsītte
devā yajñāyajñīyamapaśyaṃsteṣāṃ yajñāyajñā vo agnaya ityagnihotramavṛñjata
girā girā ca dakṣasa iti darśapūrṇamāsau prapravayamṛtajñātavedasamiti
cāturmāsyāni priyamitrannaśaṃsiṣamiti saumyamadhvaram
62.6
yajñā
vo agnaye girā ca dakṣase pra vayamṛtajñātavedasampriyamitraṃ
naśaṃsiṣamiti vai tarhi chandām̐syāsṃste devā abhyārambhamabhi
nivartyaṃ chandobhiryajñamasurāṇāmavṛñjata
62.7
chandobhiryajñaṃ bhrātṛvyasya
vṛṅkte ya evaṃ veda
62.8
etaddhasma vā āha kūśāmbaḥ svāyavo
brahmā lātavyaḥ kam̐svidadya śiśumārī yajñapathe'pyastā gariṣyati
62.9
eṣā vai śiśumārī yajñapathe'pyastā yajñāyajñīyaṃ yadgirāgiretyāhātmānaṃ
tadudgātāgirati
62.10
airaṅkṛtvodveyamirāyāṃ yajñaṃ pratiṣṭhāpayatyaprabhāyuka udgātā bhavati
62.11
vaiśvānare vā etadudgātātmānaṃ
pradadhāti yatprapravayamityāha pprīṃ vayamiti vaktavyaṃ vaiśvānarameva
parikramati
62.12
yo vai nihnuvānaṃ chanda upaiti pāpīyānujjagivān
bhavatye tadvai nihnuvānaṃ chandoyanna śaṃsiṣamiti nuśaṃsiṣamiti
vaktavyam̐suśaṃsiṣamiti vā na nihnuvānaṃ chanda upaiti
vasīyānujjagivān bhavati
62.13
yasya vai yajñā vāgantā bhavanti vācaśchidreṇa sravantyete vai
yajñā vāgantā ye yajñāyajñīyāntā etadvācaśchidraṃ yadanṛtaṃ
yadagniṣṭomayājyanṛtamāha tadanvasya yajñaḥ sravatyakṣareṇāntataḥ
pratiṣṭhāpyamakṣareṇaiva yajñasya chidramapi dadhāti
62.14
virājo vā
etadrūpaṃ yadakṣaraṃ virājyevāntataḥ pratitiṣṭhati