Samavedabrahmananyashtau 63
Sāmavedabrāhmaṇānyaṣṭau 63
- Language
- Sanskrit
63.1
saptamaḥ khaṇḍaḥ
ito vai prātarūddhvāni chandām̐si yujyante'muto'rvāñci
yajñāyajñīyasya stotre yujyante yajñā vo agnaye girā ca dakṣasa iti
dvādaśākṣaraṃ pravayamarmṛtajñātavedasamityekādaśākṣaraṃ priyamimitranna
śam̐siṣamityaṣṭākṣaram
63.2
anuṣṭubhamuttamām̐sampādayatīyaṃ vā
anuṣṭubasyāmeva pratitiṣṭhati
63.3
vāgvā anuṣṭubvācyeva pratitiṣṭhati
jyaiṣṭhyaṃ vā anuṣṭubjaiṣṭhya eva pratitiṣṭhati
63.4
kathamiva
yajñāyajñīyaṅgeyamityāhuryathā'naḍvān prasrāvayamāṇa itthamiva cetthamiva
ceti
63.5
vaiśvānaraṃ vā etadu nnātā'nu prasīdannetītyāhuryadyajñāyajñīyasyarcaṃḥ saṃpratyāheti parikrāmatevodveyaṃ vaiśvānarameva
parikrāmati
63.6
vaiśvānare vā etaddhvaryuḥ sadasyānabhisṛjati
yadyajñāyajñīyasya stotramupāvarttayati prāvṛtenodveyaṃ vaiśvānareṇānabhidāhāya
63.7
na ha tu vai pitaraḥ prāvṛtajñānanti yajñāyajñīyasya
vai stotre pitaro yathāyathaṃ jijñāsanta ākarṇyābhyāṃ prāvṛtyantadeva
prāvṛtantadaprāvṛtajñānanti pitaro na vaiśvānaro hinasti
63.8
apaḥ
paścāt patnya upasṛjanti vaiśvānarameva tacchamayantyāpohi śāntiḥ
63.9
atho reta eva tatsiñcantyāpohi retaḥ
63.10
dakṣiṇānūnabhiṣiñcanti
dakṣiṇato hi retaḥ sicyate
63.11
mahadiva pratyūhyāmmana evāsya
tajjanayanti
63.12
udgātrā patnīḥ saṃkhyāpayanti retodheyāya
63.13
hiṅkāraṃ prati
saṃkhyāpayanti hiṅkṛtādi reto'dhīyata
63.14
ātṛtīyāyāḥ
saṃkhyāpayanti trivṛddhi retaḥ