Pramāṇa · Search · About · API

Samavedabrahmananyashtau 64

Sāmavedabrāhmaṇānyaṣṭau 64

Language
Sanskrit

64.1

aṣṭamaḥ khaṇḍaḥ
devā vā agniṣṭomamabhijityokthāni nāśaknuvannabhijetuṃ te'gnimabruvaṃstvayā mukhenedajjayāmeti so'bravīt kimme tataḥ syāditi yatkāmayasa ityabruvan so'bravīnmadevatyāsūkthāni praṇayāniti

64.2

tasmādāgneyoṣūkthāni praṇayanti

64.3

tasmādu gāyatrīṣu gāyatrachandā hyagniḥ

64.4

te'gnimukhaṃ kṛtvā sākamaśvenābhyakrāman yatsākamaśvenābhyakrāmaṃstasmāt sākamaśvam

64.5

tasmātsāka-maśvenokthāni praṇayantyetena hi tānyagre'bhyajayan

64.6

sa indro'bravītkaścāhaśvedamanvavaiṣyāva ityahaśveti varuṇastaṃ varuṇo'nvatiṣṭhadindra āharattasmādaindrāvāruṇamanuśasyate

64.7

sa evābravītkaścāhaṃ cedamanvavaiṣyāva ityahaśveti bṛhaspatistaṃ bṛhaspatiranvatiṣṭhadindra āharattasmādaindrābārhaspatyamanuśasyate | sa evābravītkaścāhaṃ cedamanvavaiṣyāva ityahaśveti viṣṇustaṃ viṣṇuranvatiṣṭhadindra āharattasmādaindrāvaiṣṇavamanuśasyate

64.8

paśūn vā ebhyastā-nāharatpaśavo vā ukthāni paśukāma ukthena stuvīta paśumān bhavati

64.9

bṛhatā vā indro vṛtrāya vajraṃ prāharattasya tejaḥ parāpatattatsaubharamabhavat

64.10

jāmi vā etadyajñe kriyata ityāhuryadrathantaraṃ pṛṣṭhaṃrathantaraṃsandhirnāntarā bṛhatā stuvantīti yat saubhareṇa stuvanti bṛhataiva tadantarā stuvanti bṛhato hyetattejo yatsaubharam

64.11

yadi bṛhatsāmātirātraḥ syātsaubharamukthānāṃ brahmasāma kāryyaṃ
bṛhadeva tattejasā samarddhayati

64.12

yadi rathantarasāmnā saubharaṃ
kuryyādajāmitāyai

64.13

devānāṃ vai svargallokaṃ yantāṃ
diśo'vlīyanta tāḥ saubhareṇo ityudastabhnuvaṃstato vai tā
adruhanta tataḥ pratyatiṣṭhaṃstataḥ svargallokaṃ prājānanyaḥ svargakāmaḥ
syādyaḥ pratiṣṭhākāmaḥ saubhareṇa stuvīta prasvargallokaṃ jānāti
pratitiṣṭhati

64.14

prajāpatiḥ prajā asṛjata tā: sṛṣṭā
āśanāyaṃstābhyaḥ saubhareṇorgityannaṃ prāyacchattato vai tāḥ
samaidhanta

64.15

samedhante tāḥsamāṃ prajā yanraivaṃ vidvān
saubhareṇodvāyati

64.16

tā abruvan subhṛtanno'bhārṣīriti
tasmātsaubharam

64.17

vṛṣṭiṃ vā ābhyastāṃ prāyacchadannameva

64.18

yo vṛṣṭikāmaḥ syādyo'nnādyakāmoyaḥ svargakāmaḥ saubhareṇa
stuvīta

64.19

hīṣiti vṛṣṭikāmāya nidhanaṃ kuryāddūrgityannādyakāmāyo
iti svargakāmāya

64.20

sarve vai kāmāḥ saubharaḥsarveṣveva kāmeṣu
pratitiṣṭhati

64.21

athaitannārmedham

64.22

nṛmedhasamāṅgirasaḥsatramāsīnaḥśvabhirabhyāhvayan so'gnimupādhāvatpāhi no agna
ekayeti taṃ vaiśvānaraḥ paryyudatiṣṭhattato vai sapratyatiṣṭhattatogātumavindat

64.23

gātuvidvā etatsāma vindate gātuṃ pratitiṣṭhatyetena
tuṣṭuvānaḥ

64.24

vicchandasakrco bhavantyahorātrayo rūpam

64.25

naiva hyetadahorūpaṃ na rātreryyadukthānām

64.26

kakubhprathamātho'ṣṇigatha purauṣṇiganuṣṭuptenānuṣṭubho nayantyacchāvākasāmnaḥ

Linked texts (3)