Samavedabrahmananyashtau 65
Sāmavedabrāhmaṇānyaṣṭau 65
- Language
- Sanskrit
65.1
navamaḥ khaṇḍaḥ
hārivarṇaṃ bhavati
65.2
asurā vā eṣu lokeṣvāsaṃstāndevā hariśriyamityasmālokātprāṇudanta virājasītyantarikṣāddivediva ityamuṣmāt
65.3
tadya evaṃ vedaibhyo lokebhyo bhrātṛvyaṃ praṇudyemām̐llokānabhyārohati
65.4
harivarṇo vā etatpaśukāmaḥ sāmāpaśyattena
sahasraṃ paśūnasṛjata yadetatsāma bhavati paśūnāṃ puṣṭyai
65.5
aṅgirasaḥ
svargaṃllokaṃ yato rakṣām̐syanvasacanta tānyetena harivarṇo'pāhanta
yadetatsāma bhavati rakṣasāmapahatyai
65.6
pṛṣṭhāni vā asṛjyanta
teṣāṃ yattejo raso'tyaricyata taddevāḥ samabharaṃstadudvam̐śīyamabhavat
65.7
sarveṣāṃ vā etat pṛṣṭhānāṃ tejo yadudvam̐śīyaṃtasmādvā etatpurā sajātāya nākran pāpavasīyaso vidhūtyai
65.8
eṣahyeva pṛṣṭhaistuṣṭuvāno ya udvam̐śīyena stute
65.9
sarvāṇi vai
rūpāṇyudvam̐śīyam
65.10
gāyanti tvā gāyatriṇa eti rathantarasya
rūpameti hi rathantaram
65.11
ādirbṛhata ūrdhvamiva hi bṛhat
65.12
pariṣṭobho vairūpasya pariṣṭubhaṃ hi vairūpam
65.13
anutodo
vairājasyānutunnaṃ hi vairājam
65.14
ardeṃḍā śākvarīṇāmatisvāro
revatīnām
65.15
arddheḍayā vai devā asurānavahatyā'tisvāreṇa
svargaṃ lokamārohan
65.16
tadya evaṃ vedārddheḍayaiva
bhrātṛvyamavahatyātisvāreṇa svargaṃ lokamārohati
65.17
arddheḍayā
vai pūrvaṃ yajñam̐saṃsthāpayantyatisvāreṇottaramārabhante
65.18
upainamuttaro
yajño namati ya evaṃ veda
65.19
pāṅktaṃ vā etatsāma pāṅkto
yajñaḥ pāṅktāḥ paśavo yajña eva paśuṣu pratitiṣṭhati
65.20
āṣṭādam̐ṣṭre ṛddhikāmāya kuryāt
65.21
aṣṭādam̐ṣṭro
vairūpo'putro'prajā ajīryatsa imām̐llokānvicicchidivām̐ amanyata
sa ete jarasi sāmanī apaśyattayoraprayogādavibhet so'bravītdhravaddhome sāmabhyām̐stavātā iti
65.22
ṛṣervvā etatprāśodbhūtaṃ yadāṣṭādaṃṣṭre bhavata ṛdhyā eva
Linked texts (1)
- Jaiminīyabrāhmaṇa (ed. Raghuvira) — Sanskrit